أحمد سعد يتحدث عن طليقته علياء بسيوني لأول مرة بعد الانفصال

أثار أحمد سعد الجدل بتصريحات في برنامج بيج تايم بودكاست، مع الإعلامي عمرو أديب والفنانة أصالة نصري خاصة بعد السخرية من وضع شقيقه المادي بسبب إصراره على أن يصبح عالماً.

 كما رد أحمد سعد  لأول مرة على الانتقادات الحادة لإطلالته النسائية التي اعتمد فيها على حلق للأذن وقميص شفاف، كاشفاً كواليس الإطلالة وسبب اختيارها. كما تطرق للحديث عن طليقته علياء لأول مرة بعد انفصالهما.

تغزل أحمد سعد في طليقته

تحدث الفنان أحمد سعد عن طليقته علياء بسيوني لأول مرة بعد انفصالهما  معبراً عن امتنانه لها وعن دورها في حياته قائلاً: "أغنية عليكي عيون كانت معمولة أصلا لعلياء وكلمات الأغنية كلها ليها حتى بعد طلاقنا، علياء دي ست عظيمة وأحلى ذكرياتي معاها..  لا ده أحلى أيام حياتي كانت أيامها، إحنا بينا بيننا أطفال، فعلياء ست عظيمة، وأعظم حاجة في الدنيا، وكان ليها دور كبير إنها تخليني اتطور وأطلع لقدام، وبقول ده لدلوقتي ولا أنكره طبعاً".

ولم يتحدث أحمد سعد عن تفاصيل الانفصال أو أسبابه وإنما اكتفى بالتعليق على الأمر قائلاً: "مش معنى أننا اختلفا على حاجة سيهدم كل اللي بينا ده مش صح طبعا خالص، وهي أم صالحة لأولادي وعليها عيون لا بتنافق ولا تخون فعلاً".

أول رد من أحمد سعد على إطلالته النسائية

ورد أحمد سعد لأول مرة على الانتقادات التي طالته بسبب إطلالاته التي ظهر فيها بلمسات نسائية مرتدياً حلق الأذن، موضحاً: "خرمت ودني ولبست حلق في وقتها وقولت يعني هي جت على ودني، بعدين بقى لما الدنيا بدأت تبقى في أحسن حال بفضل الله، والأغاني بتاعتي بقت تنجح، بدأت أعمل زي باقي الناس.. بعدين سافرت إيطاليا وشوفت أحسن إستايليست في ميلانو، وطلبت منه يساعدني في لبسي وإنه يلبسني أحسن حاجة، واللي عملته طبعًا كان غلط واعتذرت عنه".

وأضاف الفنان المصري:  "ما قدرش أنطرإن هجوم الناس عليَّ بعد أزمة اللبس فوّقني كتير وأنا أعترف إن الموضوع ما كانش صح نهائياً واعتذرت عنه، يعني خليني أقول إنه لو البنات بتعمل حاجات غريبة إحنا عملنا زي البنات... الاستايلست في ميلانو هو اللي اختار لي القميص الشبك الشفاف، وأنا بقى كنت متخيّل إن الموضوع هيبقى كويس، بس الدنيا اتقلبت عليا وتعرضت لهجوم مريع وعلشان ناخد الكوليكشن على بعضه ونركب التريند لبست كمان حلق، طبعا على المسرح أول ما ظهرت ما حصلش أي حاجة وكنت مفكر إن الناس كلها هتلبس قميص شبك شفاف زيي، زي ما بيحصل مع أي موضة بيعمله ا النجوم ولكن أول حاجة أم واحد صاحبي كلمتني وقالت لي يخرب بيتك إيه اللي عملته دا يا ولد وهي ست قديمة فده فوقني".

واختتم أحمد سعد بالقول: "لما نزلت من المسرح لقيت الدنيا مقلوبة والكل بيتكلم عن القميص الشبك وابتدوا يشتغلوا عليَّ ووقتها ما كنتش لسه ندمت وقلت الناس مش فاهمين وكل الناس انتقدوه في الأول وبعد كدا عادي، ولكن الأمر ما كانش عادي وتعرّضت لهجوم شرس واعتذرت عن الإطلالة... القميص الشبك الشفّاف لسه عندي، ولكن ليلة الحفلة شِلته وقلعته وقلت يا ريتني ما كنت لبسته، التريند كان مبهر بس كان كله إساءة وسلبي ليَّ".

سخرية أحمد سعد من ثروة شقيقه

وعن شقيقه الدكتور سامح، الأخ الوحيد البعيد عن المجال الفني قال أحمد سعد: "سامح أخويا عالم كبير، بس هو الوحيد اللي ضاع فينا لو كان طلع فنان كان زمانه كسب أكثر من اللي بيكسبه دلوقتي.. بس هو متفوق جدا يعني سامح خد أول 5 سنين في كلية علوم امتياز مع مرتبة الشرف طلع مؤتمر  بعدين أخدته اليابان حضر فيها ماجيستير ودكتوراه".

وسخر أحمد سعد من الوضع المادي الحالي لشقيقه سامح قائلاً: "لما راح هناك سامح بقى الأول على اليابان، وأمريكا أخدته، وهناك عملوله معمل من أهم 10 معامل في العالم، وزويل كلمه ينزل يشتغل معاه، وبعدها رجع قال أخدم مصر، دلوقتي معاه عربية 128".

أغضبت تصريحات أحمد سعد البعض ليرد الطبيب المصري الشهير جمال شعبان عليه قائلاً: "الفان أحمد سعد بيسخر من شقيقه وبيعتبره ضل طريقه وضيع نفسه لأنه سلك طريق العلوم  وباظ كما قال محاوره… عندك حق يا نجم يصبح ذلك عاديا في زمن الرويبضة لما تنقلب الآية  ويمكث في الأرض الزبد وأما ما ينفع الناس فيذهب جفاء ويتفوق فيه  صبي العالمة علي العالم  ويكون أولو الفضل في أوطانهم غرباء".

وأضاف موجهاً رسالة حادة لأحمد سعد: "آفة حارتنا يا فنان ازدراء أرباب الفكر والقلم، بس في الحقيقة أنا منبهر  بهذا البرنامج  الهادف الذي يرسخ  للقيم والثوابت وبيظهر لنا الرموز  التي تعلي من شأن العلم والعلماء والقيم والقامات التي ستنهض بالمجتمع.. فعلاً شر البلية ما يضحك".