أسما شريف منير تحكي عن تفاصيل انفصالها وتنصح المُطلقات

  • تاريخ النشر: الخميس، 08 أبريل 2021
أسما شريف منير تحكي عن تفاصيل انفصالها وتنصح المُطلقات

قررت أسما شريف منير، إبنه الفنان شريف منير، أن تُصارح متابعيها على مواقع التواصل الاجتماعي، وتحكي عن تفاصيل انفصالها عن زوجها الفنان محمود حجازي، وتحكي عن تجربتها مع الزواج الثاني ومشاعر حزنها، حيث تجرأت وكتبت عن معاناتها بعد انفصالها عن زوجها ، والذى جاء بعد قصة حب طويلة بينهم وزواج لأكثر من عامين، ونشرت عبر صفحتها الرسمية بموقع "فيس بوك"، منشوراً طويلاً تحكي فيه عن التجربة وعن مشاعرها بعد الإنفصال، ووجهت عدد من النصائح للمطلقات عن كيفية تعدي هذه المرحلة وتجاوز مشاعر الحزن وبدء الحياة مجددًا، وعدم الاستماع لحديث الإحباط والتأكيد على أن الزواج وحلال الله ليس مرتبط بعدد مرات.

أسما شريف منير تنفصل للمرة الثانية

وقالت أسما شريف منير في المنشور:"أنا بشر واتألم وازعل بعيط، بغلط، واثور، وحياتي مش بمبه مسخسخ، بس برضه ربنا أداني طاقة إيجابية، ونعم كتير، منها أنتوا.. وحبكم ليا، ودعواتكم ليا، دي نعمة كبيرة أوي، والشهرة اللي ربنا أدهاني برضه، كون إن أبويا أعظم أب -ربنا يحفظه- ويخليه لي ويبارك في عمره، تعب في مشواره، وده سهِل وجودي ومعرفة الناس بيا، أول مره انفصلت وتكلمت في موضوع طلاقي، ساعد ستات كتير أنهم يحسوا انهم مش لوحدهم، وممكن يقفوا علي رجليهم تاني، ولما اتجوزت وكنت مطلقة ومعايا بنت حسوا ان في أمل وأنهم مش معيوبين، رغم أن المجتمع يصعب الأمور علي المطلقة، بس ده حق ربنا، اداهولنا.. عشان عارف اكيد ان ممكن ناس متكملش مع ناس او تتعب في علاقة مع حد".

أسما تكشف أسباب انفصالها عن محمود حجازي

وتابعت: "حالياً بعد ما القصة اللي ادت ناس كتير امل في حب وعوض انتهت، ناس كتير بعتتلي أن الخبر خلاها تحس بيأس، وفي ناس أحبطت، وده وقفني لحظة كده، وحسيت بمسؤولية، طيب نرجع بقي للشهرة اللي ربنا ادهاني اكيد ليها سبب، اكيد في سبب لوجودي في الدنيا، فقولت لازم اقول الكلام ده، وهو من اعماق قلبي .بعد اللي حصل أكيد زعلانه، وأي فراق بيكون وجع، ويسيب فراغ، ويعمل برجلة.. أنا شخصية مندفعة في مشاعري الجياشة اللي ساعات بتكون سبب وجعي، وديماً قلبي يحركني، لكن المرة دي فكرت كتير بعقلي وحسيت أن أسما شريف منير تحكي عن تفاصيل انفصالها وتنصح المُطلقات

عندي مسؤولية تجاه الستات اللي بتابعني، في الاول كنت مقرره اختفي من السوشال ميديا شوية حلوين وأعزل نفسي، بس حسيت ان في ناس تستمد طاقتها مني وتقارن نفسها بي، فبتكون عايزة تشوف هعمل إيه".

أسما شريف منير تنصح المطلقات

ووجهت أسما شريف منير، خلال منشورها المثير للجدل والذى هو عبارة عن فضفضة طويلة مع متابعيها، مجموعة نصائح للمطلقات من واقع تجربتها، وتابعت :"أقول لأي ست بتعدي بنفس الموقف انا بعمل ايه حالياً. اولاً لقيت أن أحسن حاجة أني اترمي بين إيد ربنا، وارضي بقسمتي ونصيبي.. اللهم لا اعتراض. بس في نفس الوقت لن استسلم، ومهمي حصل الدنيا هتكمل.. حتي لو أنا وقفت الدنيا هتفضل تدور، محدش هيسيب حياته عشان حد، لازم اشوف اكل عيشي، عشان عندي مسؤليات، واولهم بنتي، والست اللي بتيجي تساعدني في البيت، حتى كلابي وقططتي وغيرهم ".

وتابعت :"كل حاجة جوه دماغنا ممكن نتحكم فيها، الزعل مش هيتمسح.. بس فجأة هتنسي، وهتقاومى زعلك، لازم ندي نفسنا وقتنا في الزعل.. بس يكون جواك ميزان صغير يفوقك عشان الاكتئاب ممكن يقتل صاحبه. ولأخر نفس في عمري مش هفقد الأمل في الحب ولا اللمة ودفي العيلة الصغيرة اللي بحلم بيها، رغم أن في ناس هتقول خلاص بقي عيشي لبنتك، وخلاص بقي مرتين كفاية اوي كده، اه بقي دي مزواجة أو دي أكيد العيب فيها، أياً كان الناس هتسميني ايه ده حقي وحلال ربنا".

أسما شريف منير تتحدث عن الزواج

ودافعت أسما شريف منير عن الزواج للمرة الثانية والثالثة حيث أكدت في حديثها أن الارتباط في الحلال أفضل من أي فعل غير أخلاقي يحدث في الخفاء،"طالما حلال و ربنا موافق، محدش له حق ولا كلام الناس يفرق، بدل ما تغضبي ربنا في المداري اعملي الصح، ده ستر وحقك مش بالعدد خالص"، حيث أوضحت أن الزواج غير مشروط بعدد مرات.

أسما شريف منير ووصفة للمطلقات

ووضعت أسما شريف منير، وصفة لنسيان الحبيب والزوج سريعاً بعد حدوث الطلاق، حيث وجهت وصفة للمطلقات، ونصحت بالقرب من الله ، والتعامل مع عيوبها، وتطور امكانياتها، وتهتم بعملها وتعلم مهارات جديدة، وممارسة الرياضة، في محاولة لضمان سرعة التعافي من الصدمة وتجاوزها في أسرع وقت، وقالت :"لو فعلاً حصل طلاق من غير راجعة متقفيش مكانك وتتعبي اكتر، حاوطي نفسك بناس بتحبك، قربي من اهلك، لو قاعده في السرير مش قادرة تقومي وهتتعطلي وهتندمي، ازعلي بس انتي حتى لو طابخة حتى لو هتنظفي البيت، رتبي كل البيت ده بيطلع طاقة جباره و هتلاقي نفسيتك مرتاحة لو البيت رايق، اسمعي قرأن كتير.. اللي حصل ده علمني كتير، لأن الفشل في أي حاجة بداية نجاح، والله الحياة هتبقى أحسن، أي حاجة صعبة اخرتها فرج، ما دايم الا وجه الله.. واجمدي كده، الكلام ده ليكي وليا".