أسما شريف منير تعلن رغبتها في ارتداء الحجاب

نشرت أسما شريف منير مقطع فيديو عبر حسابها الشخص على تطبيق تبادل الصور أعلنت فيه عن رغبتها في ارتداء الحجاب، كما تحدثت عن مشاعرها بسبب أحداث فلسطين.

تفاعل الجمهور مع أسما شريف منير في التعليقات خاصة في ظل حديث الفنانة الشهيرة عن بعض الأمور الدينية مثل الصلاة والحجاب.

فيديو أسما شريف منير

وقالت أسما شريف منير في مقطع فيديو نشرته عبر حسابها الشخصي على تطبيق تبادل الصور إنستغرام: "حسيت إني محتاجة أشارككم الإحساس اللي عندي، أكيد اللي بيحصل دا ليكم وليه سبب، وحاسة إن الإسلام بدأ يظهر بشكل جميل، وأوضح قد إيه المسلمين طيبين، وقد إيه الناس بتخاف على بعض، رغم إن الموضوع بقاله سنين بس إحنا كنا عايشين مش حاسين بالقصة".

وأضافت الفنانة الشهيرة: "بشوف على أكونتات كتير ناس بتحاول تقول كلام مفيد، وتعلي من صوتنا، ولو اللي بيحصل مش هايعلمنا كلنا حاجات كتير، مبدئيًا لازم الواحد ميبقاش مُدعي، يعني مينفعش حد يطالب بتحرير فلسطين، ويكن بيشتم أو بيقول كلام مش حلو، ولازم اللي مبيصليش يرجع يصلي لأن الانتقام صعب، ولازم كل واحد يحمد ربنا على بلده ويحس بالانتماء".

شاهد فيديو أسما شريف منير: 

وتابعت أسما شريف منير: "بستغرب الناس اللي قادرين يدعوا ويكذبوا، دا درس لينا كلنا عشان نحب بلدنا ونساعد أخواتنا بكل الطُرق، ولازم نبطل نعمل كذب على السوشيال ميديا، واللي بيحصل دا بيخوفني من الناس لأني بقيت بشوفهم مش حقيقيين، والفكرة كل واحد شايف نفه قصاد نفسه إزاي، وأنا الناس بتشتمني دلوقت على اللايف، بس حقيقي مش عارفة اللي بيشتم دا بيستفاد إيه وأنا ولا هافكر في الناس دي".

واستكملت أسما منير مقطع الفيديو قائلة: "بغض النظر أنا عايزه أقول إننا لازم نتعلم الدرس ونفكر نعدل في نفسنا، لأأن العمر لحظة، واللي مزعل حد لازم يقف مع نفسه، وبالمناسبة اللي بيزعلني من الناس اللي بتشتم هتلاقوهم أكتر ناس مُدعيين وكاتبين حاجات كتير أوي بيطالبوا فيها بتحرر فلسطين، والناس مبقاش عندها دم، وفيه كمية نفاق رهيبة، وكذب رهيب، والفكرة لو أنت مسلم أو مسيحي، مستحيل يكون الادعاء هو اللي بنصدره للناس، وأنا مش شيخة بس نفسي أتعامل مع ناس طيبين".

 واختتمت حديثها بكلمات: "لازم نتعلم منبقاش همج، ونعمل اللي دينا بيقول عليه، وبتكلم على فكرة إن اللي إحنا فيه لازم يوقفنا ويعلمنا حاجة، وحقيقي مينفعش اللي بيحصل دا، ولو حد طلعني من الديانة يبقا يتكلم معايا بهدوء عشان أحب الدين أكتر والتزم أكتر، وأنا بطلت أزعل على فكرة إن حد بيشتمني، وإن اللي بيزعلني إن فيه ناس بيصدقوا نفسهم لدرجة الجنان، وعمومًا أنا كنت مهتمة أقول إن لازم الواحد يفكر إن اللي بيحصل دا درس كبير للعالم كله".