حمو بيكا يستغيث مجددا: مش هغني في مصر تاني ويناشد الرئيس

أدلى مطرب المهرجانات حمو بيكا بعدة تصريحات في بث مباشر عبر حسابه بموقع التواصل الاجتماعي إنستقرام كشف فيها استمرار معاناته بسبب عدم تمكنه من العمل داخل مصر.

حمو بيكا يهاجم نقابة الموسيقين المصريين

وقال حمو بيكا، خلال البث المباشر:" -أنا مظلوم بقالي سنين، وفيه ظلم في النقابة وافترى، وأنا هكشف كل ظالم، وهجيب حقي بالقانون، ومش عايز أغني تاني ولا أمسك الميكروفون في البلد دي تاني، أهم حاجة أجيب حقي".

وواصل حمو بيكا: قالوا في النقابة إن فيه ناس قدمت ورق مزوَّر، وناس تاني مسجلة، وبعدين أخدوا الكارنيهات، وأنا بقولك: حسبي الله ونعم الوكيل، دمرت مستقبلي، ومستقبل اللي معايا، وأنا هوريكوا معايا ناس قد إيه بتاكل عيش من ورايا، وكل ظالم له يوم، وبإذن الله هشوف فيك يوم.

وأضاف حمو بيكا: أنتوا مش عارفين أنا عايش إزاي، ومش بنام ولا يوم، أنا تعبت وشقيت ونجحت بالجمهور، وطول ما أنا مظلوم؛ حقي إن شاء الله هيجي.

أبرو تصريحات حمو بيكا واستغاثته بالرئيس

- مش بعرف أقرى ولا أكتب والناس حبتني عشان قالوا عليا قلبي أبيض.

- أنا مش شغال في بلدي أنا شغال برة مصر وبلدنا فيها قانون وهاخد حقي من نقابة الموسيقيين بالقانون اللي جات عليا وعلى لقمة عيشي وحياتي.

- جنسيتي مصرية ومش عارف اشتغل فيها وفيه أجانب وشغالين في بلدي.

- البلد فيها قانون وهاخد حقي من النقابة بالقانون وإزاي ناس النقابة قالت عليهم مزورة ومسجلة وخدوا الكارنيه بعد أسبوع أنا هكشف كل حاجة وبالقانون.

- كل واحد وقف في مستقبلي هقوله هشوف فيك يوم وفي أعز ما لديك عشان أنت دمرت لي حياتي ومستقبلي.

- أما أكشف ظلم النقابة لي وهاخد حقي مش عاوز أمسك مايك تاني أو أغني

- حسبي الله ونعم الوكيل في كل واحد ظلمني ومش مسامح أي حد ظلمني

- أنا جبل مش هيهزني ريح وواقف على أرض صلبة وربنا معايا اللي أحسن من أي حد.

- أنا عاوز أكل عيش أنا مش بنام من التعب والتفكير.

- أنا مظلوم يا سيادة الرئيس والنقابة جاية عليا، أنا واثق في الرئيس والدستور وأحنا في دولة القانون وأنا مظلوم.

- أنا مش بنام والناس مش عارفة أنا عايش إزاي، وهوريكوا قد إيه ناس عايشة من ورايا.

- ما عاش اللي هيكسر عيني ويذلني ويا جبل ما يهزك ريح.

 

 

 

 

View this post on Instagram

 

 

 

 

 

 

 

 

 

 

 

A post shared by Hamo Bika - حمو بيكا (@hamo_beka_official)