زوج نجلاء بدر يثير الجدل بتصريحاته: لو تخنت هطلقها فوراً

أثار زوج الفنانة نجلاء بدر الجدل بسبب تصريحاته والتي وصفها البعض بأنها تمثل إهانة للمرأة بعد أن أعلن أنها في حالة زيادة وزنها سيقوم بتطليقها فوراً.

زوج نجلاء بدر يثير الجدل بتصريح حول تطليقها

وكان محمد عفيفي زوج نجلاء بدر في مكالمة هاتفية معها في أحد البرامج التلفزيونية أوضح أنه معجب بتنوع الأدوار التي تقدمها مؤخراً وكان أخرها ظهورها ترتدي بدلة بسبب لعبها دور سيدة بوزن زائد.

وقال زوج نجلاء بدر: "آخر مرة شوفتها لابسة بدلة مؤخرا فى أحد الأدوار، ومش متخيلها فى البيت تلبس بدلة نهائي وتخينة، لو عملت كده فعلا هطلقها".

وردت عليه الفنانة المصرية قائلة: "على فكرة انت من الرجالة اللى هقوم ضدهم بحملة المفروض تستحمل مراتك عيانة تخينة ، لأن انت مش متجوز شكل إنت متجوز بنى آدمة" إلا أنه رد عليها :"أنا واخدك موديل معين اللى واخد عربية سبور ولذيذة هتقلبي أتوبيس هنزل المحطة اللى جاية ع طول".

ولفت إلى أنه كان في بداية زواجهما يغير بشدة لكنه بعد فترة تعود على طبيعة عملها، خاصة تعامل المعجبين معها.

وتابع قائلا: "كان فيه غيرة كبيرة قوى وبعد كده بتنحسي، كان يعدى عليا واحد ويقولى صورنى مع مراتك، اول مرتين تلاتة كنت هتخانق وبعد كده اتعودت ، لكن يا ريت الذوقيات تعلى عندنا في التعاون ، لكن بعد كده مبقتش أتضايق بسهولة زى الأول".

وأكد أن نجلاء بدر تدعمه في عمله موضحاً أنها تعرضت لتسمم من الأغذية منذ فترة ولكنها لم تخبره بسبب علمها أنه يعمل في شئ هام قائلاً: "مبشوفش نجلا بقالي شهرين ثلاثة، ولقيت نجلا قبل ايفنت شغال عليه راحت المستشفى وساقت وعملت غسيل معدة من تسمم ورجعت تاني ومرضيتش تقولى الا بعد الايفنت

زوج نجلاء بدر يكشف عن رأيه في أدوارها

وأوضح أنه يدعمها هو الأخر مشيداً بها، مؤكداً أنه يعطيها تقييم بنسبة "10 / 10" كفنانة، مردفا: "أنا داعم لنجلاء بدر بشكل كبير، وهى تستاهل أكثر من ده بكثير منى، ولازم أكون داعم لنجاحها كرجل بشكل كبير، ولازم يكون الدعم ده من الطرفين".

  وروى محمد عفيفي بعد المواقف الكوميدية التي حدثت بينه وبين زوجته بسبب الأدوار التي تأثرت بها قائلاً: "أنا مش هنسى وانتى مربعالي على الكنبة وممصمصة شفايفها وتقولي إنت قصدك إيه يا أخويا ؟ مش فاكر السبب !! بصيت لقيت معايا واحدة رقاصة بلدي في البيت، ولقيتها مرة تانية حاطة وشها فى الأرض ومربعة ، بقولها فيه إيه يا نجلا؟  قالتلي حماتي مسكتني وانا بخون جوزي فى المسلسل".

وردت الفنانة نجلاء على زوجها قائلة: "أسر ياسين كلمه في التليفون وقاله متنمش النهاردة في البيت علشان مراتك قتلت واحد النهاردة في المسلسل وانا خايف عليك".