رامي جمال يسخر من زوجته ويهاجم منتقديه: هذا رد فعلها

جدل كبير أثاره الفنان المصري رامي جمال، بعد منشوره الساخر الذي هنأ فيه زوجته ناريمان بعيد ميلادها، حيث واجه انتقادات الجمهور، بسبب بعض الكلمات التي اعتبروها لا تليق بالتلفظ من قبل فنان على الملأ.

معايدة رامي جمال لزوجته في عيد ميلادها

واحتفل رامي جمال مساء أمس، بعيد ميلاد زوجته ناريمان، ونشر مجموعة من الصور عبر حسابه الرسمي على إنستقرام، جمعتهما سوياً، ولكن بدلاً من التعليق برومانسية، فقد توجه رامي جمال بمعايدة اعتبرها البعض غريبة وغير مناسبة.

وكتب رامي جمال على الصور: "يا رب أنت عارف أني اتجوزتها وهي عيد ميلادها ذكرى الزلزال القوي اللي جه مصر، والنهارده عيد ميلادك برق ورعد وحاجة فلة، كده عرفت أنا ليه لما غنيت سقف كورونا غزت العالم الحمد لله أننا مخلفناش لأني واثق إن ابننا كان أكيد هيبقى المسيخ الدجال".

تابع رامي جمال: "نهاية العالم هتبقى بدايتها من بيتنا، كل سنة وأنتي أول وآخر وأحلى وأرخم حاجة في حياتي، بفكر أطلقك علشان أخد الدريسينج والحق يرجع لأصحابه، عيد ميلاد سعيد".

الجمهور ينتقد رامي جمال بسبب زوجته

لم تمر معايدة رامي جمال لزوجته مرور الكرام، وواجه الفنان هجوماً كبيراً عبر التعليقات التي وصلته على المنشور، أو من خلال المواقع التي نشرت الخبر، ليوجه الجمهور انتقادات كثيرة لرامي جمال بسبب هذه المعايدة.

وكتب البعض موجهاً النقد لرامي جمال: "يا لهوي  إيه الكلام ده حد يعيد على مراته بالشكل ده إيه يا رامي ده أنت أكتر حد بيعمل أغاني رومانسية في الدنيا وبعدين الجو تحفة والمطر روعة كل سنة وهي طيبة"، "إيه السخافة دي يا رامي حد يقول لحد كده"؟ "بصراحة ما عجبنيش اللي قولته ولو مصمم تهزر معاها ما تهزر في البيت هو أنتو مش عايشين سوا"؟ "هو في إيه الناس اتغير حالها ده كلام يقوله زوج لزوجته قدام الناس عيب أوي كده حتى لو بهزار".

رد رامي جمال على منتقديه

لم يتمالك رامي جمال نفسه ورد على منتقديه، وكتب تعليقاً مطولاً عن طريقة حياته هو وزوجته، مشيراً إلى أن هذا الأمر خاص بهما فقط.

وكتب رامي جمال: "أحب أبدأ كلامي بشكرا للناس اللي شبهنا اللي بتاخد الدنيا بسهولة وخفة دم شكرا ثانيا: المجموعة بتاعت كلامك سخيف يا رامي حضرتك أنا مش جوزك أنا بقوله لمراتي اللي أنا وهي عايشين حياتنا إحنا مش حياتك أنتي اللي جايز هزارنا ما يناسبكوش وجايز الجد بتاعكم ما يناسبناش أحب أبدأ معاكم بأن البوست بتاعي عن ناريمان هو بوست نزلته ناريمان نفسها قبل البوست بتاعي بساعة بتقلش على نفسها بخفة دم من وجهة نظري اللي من وجهة نظركم دلوقتي هتقولوا عليها يبقى هي تستاهل وهي اللي جابته لنفسها وبتقبل من نفسها وكده بس برضه أقول لكم أبسلوتلي نو دي أكبر ست في عيني ودي حياتنا إحنا مش حياتكم أنتم".

تابع رامي جمال: "قولو لأزواجكم ولحبايبكم يهزروا إزاي ويحبوكم إزاي ويتكلموا معاكم إزاي ده حقكم وإحنا كمان حقنا نعيش حياتنا إحنا بالشكل اللي يعجبنا إحنا حتى لو مش هيرضيكم علشان إحنا مش عايشين نرضيكم الدنيا أصلا صعبة فإحنا بطريقتنا البلدي الأوڤر دي اللي مضايقة البعض شايفين حياتنا بفضل الله وحفظه لطيفة".

أضاف: "أرجع وأقول للي بيعدلوا علينا إحنا عايشين حياتنا إحنا مش حياتكم أنتم واللي بيعجبكم مش لازم يعجبنا والعكس والدليل أني خدت موضوع قلش مصر كلها على غنوتي وعلى إن رامي قال نسقف من هنا والدنيا خربت بضحك مزعلتش".

أكمل رامي جمال: "أولا لأني عارف أنه هزار وحب، ثانيا علشان أنا مش هصعب دنيا صعبة أصلا، أخيرا بقى المجموعة اللي باعتة تقول لي ما تقولش الحمد لله أنك مخلفتش وكده لا أنا هقول الحمد لله على أي رزق وأي منع وهعيش حياتي بدماغي وبنيتي وربنا اللي عارف إيه جوانا".

رد ناريمان زوجة رامي جمال على الانتقادات

من جانبها، خرجت ناريمان عن صمتها واستنكرت الهجوم الذي لاقاه المنشور الذي كتبه رامي جمال مهنئاً إياها بعيد ميلادها.

وقالت ناريمان في فيديو عبر خاصية الاستوري لحسابها على إنستقرام، إن الأمر أذهلها لأنها لم تتوقع أن يأخذ أي شخص هذا الكلام بجدية، لأنه أولا أمر شخصي، ثانيا لأنها هي صاحبة المنشور الأصلي الذي سخرت فيه من نفسها وثالثا لأن هذه طريقة المزاح بينها وبين زوجها.

أضافت زوجة رامي جمال أن الموضوع لا يخص أي شخصـ ولا شأن لهؤلاء الغاضبون منه بها هي وزوجها، لأنه في النهاية مزاح بين زوجين.

وكانت ناريمان قد كتبت بمناسبة عيد ميلادها، في منشور سابق لمنشور رامي: "شوفتوا يا ولاد الجو حلو إزاي يوم عيد ميلادي، شوفتوا ولا مشفتوش، جماعة أنتم عارفين إن يوم عيد ميلادي دا يوم الزلزال ولا لأ إوعوا تكونوا متعرفوش، يوم لازم يبقى في حدث"، في إشارة منها لسوء الأحوال الجوية في ذلك اليوم.

من ناحية أخرى، دعمت ناريمان زوجها رامي جمال، بعد الهجوم عليه ونشرت صورهما معا وكتبت: "بحبك وكل عيد جواز وأنت طيب وجمبي وهزارك على قلبي زي العسل والناس اللي مش بتفهم يعني إيه هزار وكلام أنا اللي كتباه وخدوا البوست وعملوا قصة وحوار وإدوا نفسهم حق يتكلموا في حاجة تخصني أنا بصراحة أنتوا اللي سخفاء و فاضيين وطريقة هزاري أنا ورامي دي ورخامتنا على بعض أكتر حاجة بحبها في علاقتنا".

تابعت: "ومش فاهمة بجد الناس وصل بيها الحال إزاي أنها متقدرش تفهم يعني إيه تهريج وهزار وأنا عن نفسي ضحكت لما شوفت البوست فأظن مفيش أي حد ليه حق يغلط ويتكلم في حاجة هو مش طرف فيها أنتوا اللي ضايقتوني الحقيقة يوم عيد ميلادي مش هو مش لاقية حاجة أقولها الحقيقة".

ورد رامي جمال على زوجته، قائلا إن آراء المنتقدين لا تهمه في حياته الشخصية، وطالبها بأن تفرح يوم ميلادها ولا تستاء من أي تعليق من مدعي المثالية.