حسام حبيب يفجر مفاجآت صادمة بعد تسجيل والده ويهدد بالمقاضاة

أحدث حسام حبيب ضجة على منصات التواصل الاجتماعي بمقطع فيديو كشف فيه عن حقيقة ما تم تداوله في المقطع الصوتي المسرب لوالده، وظهر الفنان الشهير في مقطع فيديو ظهر فيه مع شيرين عبد الوهاب ورد على كل ما نسب إليه مفجراً مفاجآت صادمة.

رد حسام حبيب على والده

 وقال حسام حبيب رداً على ما نسب إليه من والده: "أنا عمري ما عملت فيديو ولا تكلمت ولا اهتميت بإني أرد على أي حاجة من اللي اتقالت عليا،  بس النهاردة سمعت كام حاجة من كام حد  عاوز أشكرهم وأقولهم ألف شكر على إنكم طلعتوا أكرم وأجدع من الناس القريبة مني.. الاس اللي بنفتكرهم علاقات دم وقرايب وحبايب... يعني صحيح ممكن يكون أخوك مش من دمك يعني".

وأضاف حسام حبيب: "أنا ما بعرفش أرد وأدافع وأقول حصل وما حصلش لأن أنا أكبر بكتير كتير  أخلاقاً منإني أدافع عن حاجة زي كدة.. أنا عارف مين اللي عمل كدة.. يعني هو للأسف ناس قريبين مننا زاقين ناس قريبين برضه مننا علشان   يأذونا مع إنهم مش عايشين أصلا حوالينا، ولو عاوزين تعرفوا الحقيقة، فالناس دي كان ليها مصلحة إن شيرين تبقى منتهكة ومش فاهمة حقوقها، ولما جه حد فهم لشيرين حقوقا زعلوا.. وعلى فكرة شرين ليها شرة بتدير حقوقها  أنا ماليش دعوة".

 وتابع: "شيرين أقدم مني وأنجح مني، لأن انتوا لما بتقولوا كدة بتقللوا من نجاح شيرين لأنها   مش محتاجة حد يقولها اعملي إيه وماتعمليش إيه ولو هي بعد الخبرة دي جت سلمت أمورها لحد تبقى ضيعت كل اللي عملته".

 حسام حبيب يعلن مقاضاة والده

وهاجم حسام حبيب  والده، واستكمل مقطع الفيديو الذي  كشف فيه عن مجموعة من الحقائق قائلاً: "أنا دايما بقول لشيرين إن ربنا اختارنا لبعض واللي ربنا اختارهم لبعض ماعتقدش إن يفرقهم إنسان  خصوصاً لو الإنسان ده مش سوي ، وماعتقدش إن فيه إنسان عنده علاقة بربنا يزق حد على حد  ويعملوا كدة.. ومهما كانت درجة قرابته ليا  أنا مش حمشي ورا الكلام اللي بيتقال ده صوته ولا مش صوته".

 حسام حبيب ينكر والده

وفي رده  رفض حسام حبيب أن يذكر اسم والده واكتفى بالإشارة إليه بعبارة "الشخص ده، قائلاً: "أنا آسف إني بقول عليه الشخص ده بس أنا مش قادر بعد اللي حصل إني أقول عليه اسمه، سواء باللي عمله أو اللي بيفكر يعمله، هو مش أول مرة يأذيني".

 حسام حبيب يهاجم  نضال الأحمدية

فيديو حسام حبيب لم يقف عند الهجوم على والده وانتقاد حديثه، وإنما هاجم في حديثه نضال الأحمدية قائلاً: "صاحبة الموقع اللي نزلت ده بتقول إن إحنا زاقين عليه حد لمدة 6 شهور علشان يخترق وإحنا عرفنا معلومات إن حسام بيعمل كدة وخلينا حد  يستدرجه علشان ندافع عن شيرين".

 وأضاف: "الحمد لله شيرين مش محتاجام تدافعوا عنها  الحمد له شيرين  كبيرة وعارفة حقوقها.. ابعدوا بس عنها سيبوها تعيش لحياتها ولعيالها ولبيتها ولفنها ولجمهورها.. كفاية.. إحنا لحد دلوقتي بنتعامل بمنتهى الأدب".

حسام حبيب يهدد بالتصعيد

 وقال حسام حبيب إلى أنه حتى هذه اللحظة يتعامل بهدوء مع الموقف، مهدداً أنه في حالة استمرار ا يحدث سيصعد الأمر ويلجأ  للقانون  قائلاً: "أياً كان من مين وأيا كانت درجة قرابته، آه اللي عامل كدة صحافة وكدة، لكن اللي عمل كدة في الأصل من أقرب الناس لينا، فعلشان كدة مش حيفرق معايا صلة القرابة إيه، لكن هيفرق معايا  إن الإنسان ده بيخرب بيوت وبيجيب سيرة أعراض وجاب سيرة أمي وأنا أي حاجة اتعلمتها في حياتي   كانت من أمي وهي والراجل اللي خلفني منفصلين".

والدة حسام حبيب

وعبر حسام حبيب عن غضبه الشديد من  حديث والده عن والدته قائلاً: "هي اللي كانت بتخليني أوده وأسأل عليه، وأنا كنت بعمل كدة لحد آخر لحظة  بس طبعاً، وأنا سألت دينياً وشرعاً، لما الأذى يوصل لكدة فلا كفاية.. وأنا مراعاة للناس اللي بتحب شيرين، أنا بطمنكم عليها، هي الفترة الجاية هترجع بقوة، وإن شاء الله الفترة الجاية ربنا هيجيب لنا حقنا وإحنا كمان قادرين إننا ناخد حقنا"

رد حسام حبيب لم يكن الوحيد على الأزمة وإنما سبقته شيرين برد كذبت فيه والده حيث قالت النجمة الشهيرة في مقطع صوتي لها:  "عايزة أطمن كل الناس اللي بتحبني، كل الناس الكويسين، أني بخير، مفيش أي نوع من الخطورة عليا وعلى حياتي.. بالنسبة للي حصل محتاج أني أرد عليه، ومش هينفع أرد عليه في كلمة أو اتنين، فاسمحوا لي أني أقولك لكم، حسام جوزي اللي أنا معاشراه، ده إنسان من أنضف رجال الدنيا، وإنسان أنا معاشراه محترم ومتربي وبيحبني أكتر من نفسه وما يستاهلش أبدا أبدا منكم كم القسوة دي، بس أنا عاطياكم العذر لأن أنتو متعرفهوش".

تسجيل والد حسام حبيب

جدير بالذكر أن جاء نفي والد حسام حبيب لتصريحات انتشرت له وتسجيل صوتي تم تسريبه، تحدث خلاله عن تحكم ابنه في حسابات شيرين عبد الوهاب البنكية، وتخطيطه للزواج سرا من أخرى، كما تحدث عن عدم حب والدة حسام لزوجة ابنها، واعتبارها من طبقة اجتماعية غير ملائمة، وجاء حديث والد حسام حبيب بطريقة صادمة للجمهور، وتسبب في ضجة على منصات التواصل الاجتماعي ليرد كل من حسام حبيب وشيرين على طريقتهما.