هجوم صادم من والد حسام حبيب عليه ويوجه لها اتهامات بتدمير حياته

هاجم حسين حبيب، ابنه الفنان حسام حبيب، متهماً إياه بالتسبب في تحطيم حياته الزوجية مع شيرين عبد الوهاب بعد مخالفة شرع الله، بحد تعبيره، مؤكداً أنه لا يوجد اتصال بينهم الآن.

والد حسام حبيب يتهمه بتدمير حياته مع شيرين

وانتقد والد حسام حبيب، موافقة نجله على كتابة وصية لـ بنات شيرين عبد الوهاب قائلاً: "قولوا الحق ولو على أنفسكم، هو ينفع أخالف شرع ربنا بحجة أني أحمي أولادي البنات؟ ليها الثلثين والأهل ليهم الثلث بعد عمر طويل، وده يخلي الأهل راضيين ويراعوا البنات بعد عمر طويل، ودي صلة رحم، وغير كده يزرع العداوة بين الأهل".

وواصل والد حسام حبيب هجومه من خلال منشور عبر حسابه الشخصي على فيسبوك قائلا: "إنت كده مش بتحافظ على مال زوجتك، أنت بتخالف شرع ربنا والنتيجة إنهم فضحوها وقضوا على مستقبلها، وزرعت العداوة بينهم وحطمت زوجتك بجهلك بشرع ربنا، ولو كنت بتسأل أبوك كان أرشدك للحق والكل طلع كسبان يا قاطع صلة الرحم وعاصي أبوك، ضيعت نفسك وضيعت البنت معاك".

وتابع: "هو ينفع أخوها بقاله أكتر من 20 سنة بيراعي أخته وهي مصدر رزقه، آجي أقفل عليه الحنفية ويقعد أربع سنين من غير شغل وراجع تاني تقفل عليه الحنفية هو وأمه وأخته وعايزه يسيبك، يا ناوي على قوتي يا ناوي على موتي، الزوج يتعوض الأم والأخ ما يتعوضوش، كلمة حق لوجه الله، والدين النصيحة".

واعتبر والد حسام حبيب أن تصريحات نجله بمثابة مبرر لأسرة شيرين عبد الوهاب بالحجر عليها قائلاً: "إنت بتقول لما رجعت ليها العربية، واحد بيشتغل معاها أخد العربية اللي بخمسة مليون وقالها هابقي أديكي بيها شغل، وواحد محاسب تعرفه قريب شكالها حاله أعطت له 100 ألف دولار وخلع، وإنها بتكتب شيكات للناس على بياض، إنت كده بتدي مبرر لأهلها ليحجروا عليها وبتطلعها إنها سفيهة وعبيطة، وأنا من معرفتي بيها أنها واعية وناصحة، بتيجي تكحلها تعميها، أسأل أبوك يقولك تقول إيه"

والد حسام حبيب يرد على تصريحاته حول أمواله

وعلق على تصريحات نجله حول كونه يمتلك أموال أكثر من شيرين عبد الوهاب، مؤكداً أنه لم يعمل منذ 4 سنوات، مؤكداً على سوء العلاقة بينه وبين ابنه.

وتابع: "بتقول إنك عمرك ما اخدت منها فلوس وأنك ما بتشتغلش 4 سنين كنت عايش على قفا مين وهيا قالت لي يا بابا أنا عايزة أتجوز راجل يصرف عليا وقلت له عايزك تشتغل وتصرف على بيتك عشان تكبر في نظر مراتك وتحترمك الحب وحده لا يكفي".

وكشف عن بعض تفاصيل علاقته بنجله قائلا: "اخدت مني مليون جنيه عشان تشطب فيلتك وما تعيش في بيت مراتك وها اردهملك ومن ساعة ما اتطلقت ، وأنا بصرف عليك ورايح تقول لعمرو أديب وتهاجمني لتاني مرة أنك ماتعرفنيش من 14 سنة، آه ما بتعرفنيش إلا للمصلحة، وعشان تاخد فلوس".

وواصل هجومه: "وما دخلتش بيتي سبع سنين وجيت بس تاخد فلوس وقلت ما بتشتغلش عشان شيرين ومشاكلها كانت شغلاك بقالك سنة مطلقاها ما اشتغلتش ليه بطل حجج، وخليك راجل أنت فعلا مش تربيتي، ست طلعت من بيت مامي على بيت مراتك".