شيرين تفجر مفاجأة في أول تسجيل صوتي ردا على والد حسام حبيب

فاجأت الفنانة شيرين عبد الوهاب، جمهورها بالرد على التسجيل الصوتي المسرب لوالد زوجها الفنان حسام حبيب، بتسجيل صوتي جديد خاص بها.

شيرين عبد الوهاب تدافع عن حسام حبيب

وقررت شيرين عبد الوهاب الرد على تسجيل والد زوجها حسام حبيب المسرب، عن طريق تسجيل صوتي جديد خاص بها، أوضحت من خلاله ملابسات ما حدث.

وقالت شيرين عبد الوهاب في تسجيلها الذي شاركته مع الجمهور عبر حسابها على موقع التغريدات القصيرة تويتر: "عايزة أطمن كل الناس اللي بتحبني، كل الناس الكويسين، أني بخير، مفيش أي نوع من الخطورة عليا وعلى حياتي".

تابعت شيرين عبد الوهاب: "بالنسبة للي حصل محتاج أني أرد عليه، ومش هينفع أرد عليه في كلمة أو اتنين، فاسمحوا لي أني أقولك لكم، حسام جوزي اللي أنا معاشراه، ده إنسان من أنضف رجال الدنيا، وإنسان أنا معاشراه محترم ومتربي وبيحبني أكتر من نفسه وما يستاهلش أبدا أبدا منكم كم القسوة دي، بس أنا عاطياكم العذر لأن أنتو متعرفهوش".

أضافت شيرين: "بس عايزة أقول لكم أن الراجل ده، اللي ربنا حطه في طريقي في وقت كنت فيه متكسرة ومتدمرة، هو بنا لي شخصيتي، وخلاني بقيت بعرف أتكلم ورجعني لنفسي تاني، ورجع لي الثقة، حسام ربنا هو اللي باعته لي، وربنا مبيعمليش حاجة وحشة".

أكدت شيرين أن حسام حبيب يحبها هي وبناتها أكثر من أي شخص وحتى نفسه، بدليل انه منذ زواجهما لم يستفد من ناحيتها باي شيء كما أشيع ولم ينتفع من وراءها، مؤكدة أنه يخاف عليها وعلى ابنتيها أكثر من أي شيء.

أوضحت شيرين عبد الوهاب أن حماتها سيدة فاضلة، ربت شخص عظيم مثل ابنها حسام حبيب مشيرة إلى أن حسام حبيب ووالدته شخصين عظيمين، وأن حسام حبيب شخص نقي ونظيف القلب واليد وهو هدية الله إليها، وطلبت من جمهورها الدعاء لهما بالذرية الصالحة.

شيرين عبد الوهاب ترد على سرقة حسام حبيب لأموالها

وتداولت الأخبار، شائعات حول حصول حسام حبيب على توكيلات من شيرين عبد الوهاب، تجعله قادراً على الاستيلاء على أموالها بحسب التسريب الصوتي لوالده.

ونفت شيرين هذه الأنباء جملة وتفصيلا قائلة: "ومفيش توكيلات باسمه ولا فيز بتاعتي مش معاه، وكل الكلام ده مش مظبوط، لأني أنا كلي كده بتاعته، ففيز إيه وتوكيل إيه، وكمان أنا جوزي راجل متأصل وابن عيلة، ابن عيلة محترمة أوي أوي، وما اقبلش أتكلم عنه كده".

تابعت شيرين عبد الوهاب: "لا حسام ولا أمه، حسام ده راجل مفيش منه خلاص، الناس اللي زيه مبقوش موجودين، وخلي الناس تفهم كده بالعقل، إحنا بقالنا 4 سنين متجوزين، لو كان راجل عايز يستغلني ويستفيد مني، كان عمل حتى غنوة سينجل لنفسي".

أضافت عبد الوهاب: "الرجل ده صايني وصاين عيالي، كل الناس بتتخانق وإيه يعني؟ كل الناس بتختلف لكن هو بيحبني أكتر من نفسه، ولازم الناس تفهم كده بالعقل، يا جماعة أنا ربنا مديني مؤشر وقلب أنا حاسة أنه بيحبني وحاسة معاه بالأمان".

اختتمت شيرين عبد الوهاب شهادتها في حق زوجها حسام حبيب: "حسام ما ضرنيش لا حسام فادني، وطلع من حياتي كل الناس اللي كانت بتستغلني بجد، طلعهم، كل التعابين اللي كانت في حياتي وكل الحاجات الفاسدة".

تصريحات مسيئة من والد حسام حبيب لزوجة ابنه شيرين

جدير بالذكر أن جاء نفي والد حسام حبيب لتصريحات انتشرت له وتسجيل صوتي تحدث خلاله عن تحكم ابنه في حسابات شيرين عبد الوهاب البنكية، وتخطيطه للزواج سرا من أخرى، كما تحدث عن عدم حب والدة حسام لزوجة ابنها، واعتبارها من طبقة اجتماعية غير ملائمة، رغم أن شيرين هي من تتولى الإنفاق على عطلات حماتها الصيفية متحملة كافة التكاليف المادية.

و

شاهدي أيضاً: تسريب صوتي لوالد حسام حبيب باستغلال ابنه لشيرين عبد الوهاب يثير الجدل