مي عمر تكشف أسرار لأول مرة عن علاقتها بمحمد سامي

كشفت مي عمر عن أسرار لأول مرة واتهمت نجمة شهيرة بدفع أموال مقابل  الهجوم عليها، كما تحدثت عن غيرتها على محمد سامي.. إليك أبرز تصريحات مي عمر مع الإعلامية أميرة بدر.

وتحدثت مي عمر خلال اللقاء عن علاقتها بالزعيم وكيف دعمها بعد عرض مسلسل نعمة الأفوكاتو، والذي اعتبرت أن نجاحه هو أبلغ رد على الحرب التي تشن ضدها، حسب تصريحاتها.

كما كشفت عن أسرار من زيجتها بالمخرج محمد سامي وتحدثت عن حقيقة غيرتها من نجاح أعماله مثل مسلسل جعفر العمدة، كما لفتت إلى عدد من الأمور التي تقوي الروابط بينهما.

مي عمر: نعمة الأفوكاتو رد على الحرب ضدي

كشفت مي عمر عن ممثلة شهيرة تدفع أموالاً مقابل انتقادها قائلة: "بعض الأشخاص الذين تمنحهم الأموال ليهاجمونني أخبروني بما يحدث، تلك الأمور تكون معروفة.. أنا أعلم أن ممثلة واحدة هي التي تستهدفني وواثقة منها لكني لا أعلم  هل هناك أخريات يفعلن ذلك، وبشكل عام أنا بنزعج من تلك الانتقادات السلبية، خصوصا لما تكون من باب الهجوم.. كيف يتم التعليق على أدائي التمثيلي بمجرد طرح الملصقات الدعائية لمسلسلي؟".

ورفضت مي عمر رفضاً قاطعاً الكشف عن الممثلة التي اتهمتها بأنها تدفع أموالاً مقابل الهجوم عليها واكتفت بتعليق: "ربنا يكرمها، كل شخص عليه التركيز في شغله، هذا الأسلوب سيئ جدا لكي تمنح نفسها النجومية، ولم أرد بنفس طريقتها لأن ما فعلته شر بين انا ما قدرش أعمل زيه أو امشي في طريقه، وشعرت بأن الله لن يكرمني لو فعلت ذلك، رغم سهولة الأمر.. استئجار اللجان الإلكترونية سهل، لكن ما يرد عليه هو النجاح الحقيقي، أنا أنظر للصورة الأكبر، إعجاب الناس بالعمل ورد الفعل في الشارع مش بعتمد على لجان إليكترونية".

نجمة تدفع أموال للهجوم على مي عمر

وعن الفنانة التي رفضت مي عمر ذكر اسمها قالت نجمة مسلسل نعمة الأفوكاتو: "عرفت الشخصية اللي بتهاجمني من كذا حد، بياخدوا فلوس وبييجوا يقولولي.. والحاجات دي بتبقى معروفة، وناس من اللي بيقبضوا فلوس قالولي كده، وبحاول أركز في نفسي وهي بتضايقني لأن بلاقي كلام غريب وهجوم مش مفهوم باين إنه مدفوع، يمكن زمان كنت بتضايق أوي لكن بطّلت لأن ربنا بيعوّضني ومدّيني حاجات كتير حلوة، وهي ربنا يكرمها وكل واحد يركز في شغله ودي طريقة مش حلوة إننا نعلي نفسنا".

مي عمر احكي تفاصيل علاقتها بعادل إمام

وتطرقت مي عمر للحديث عن دور عادل إمام في حياتها وعلاقتها به،وقالت خلال لقائها مع الإعلامية أميرة بدر: "اترعبت من الشغل مع الأستاذ عادل إمام،  رغم إن من أول شغلي كان حلم من أحلامي إني أشتغل معاه، وقبل التصوير بيوم منمتش، وقعدت أحفظ كتير عشان منساش، ولما رحت التصوير فجأة لقيت الأستاذ عادل بيطمّني وبيقولي مبروك أول يوم ومتقلقيش وده طمني جداً الحقيقة وخلاني أكون مرتاحة أكثر".

وعن تأثير علاقة عادل إمام عليها قالت مي عمر: "اتعلمت من الأستاذ عادل الالتزام والثقافة وإنه يتابع ويتفرج على كل الأعمال، ده الزعيم وماوصلش للي هو فيه بسهولة، كنت بقعد معاه أهريه أسئلة، وكلّمني تاني يوم عرض المسلسل وقالي مبروك أنا اتفرجت وهتبقي ممثلة مهمة، وأتكلم عني في الصحافة بكلام حلو أوي، وقال إحساسي عالي دي بقى صفات النجم واحد زي ده مركز في شغله وبيدعم كل الناس وده بيفرق معانا طبعا".

غيرة مي عمر على محمد سامي

وتحدثت مي عمر عن غيرتها على محمد سامي قائلة: "أنا بغير على محمد سامي بس مبحبش أبيّن له غيرتي، بغير من حاجات هبلة أوي الحقيقة، وبقول أنا اتضايقت لو حصل حاجة معينة، وهو محترم وبيراعي الحتة دي.. محمد كمان مريح في العلاقة  بس لو حصل منه حاجة، هيبقى رد فعلي كبير، لأن الخيانة مش حاجة سهلة ومش هقدر أتقبّلها، وأنا مش همشي ورا الإشاعات".

وعن رد فعلها إذا علمت بخيانة محمد سامي لها قالت مي عمر: "لو وصل الأمر للخيانة مستحيل أعمل نفسي مش واخدة بالي أكيد، هتكلم لأني بشكل عام مقدرش أبقى مع واحد بيخوني، ومش حاسة إني هقدر استحمل الخيانة، ومش بغير من حبّه لبناته لا طبعا".

أسرار علاقة مي عمر ومحمد سامي

وعن تفاصيل علاقتها بمحمد سامي بداية من قصة الحب وحتى الزواج قالت مي عمر: "اتخطبنا أنا ومحمد وبعدين فسخنا الخطوبة وبعدها رجعنا تاني، لأن بابا كان خايف عليا، وبابا بيخاف علينا جداً لأننا أربع بنات، والدي رجل فلاح كان قافل علينا أوي، ولينا مواعيد وحدود في البيت، وكان متشدد في الرحلات والخروج دريم بارك.. في بداية جوازي أنا ومحمد كان كل مشاكلنا إني عايزة أخرج كتير، بابا شاف محمد قبل كده وهو بيتخانق، فاتوتر شوية وخاف ، وكان خايف يتغير عليا، وكان قلقان عليا، لكن أكتر حاجة بحبها في محمد سامي حنيته".

نعمة الأفوكاتو

وعن شخصية نعمة الأفوكاتو قالت مي عمر:  "من أكثر الشخصيات اللي حبيتها، لأنها مختلفة في طريقة كلامها وهزارها وردودها وشكلها ولبسها، ونعمة تشبه ناس كتير في حياتنا، وفي كتير منها.. بالنسبة للشخصية نفسها وتصرفاتها مقدرش أقول إن الست غلط، لكن الغلط هو رد فعل الرجل،  طبعاً رضوى الشربيني هتقتل نعمة، لكن برضو فيه رجّالة كويسة، والنماذج كلها موجودة، مش بس في مصر لكن في دول كتير في العالم".

وعن أعمالها مع محمد سامي قالت مي عمر: "أنا من زمان معجبة بشغل محمد سامي وإصراره وكنت بقول حييجي يوم وأبقى أنا بطلة أعماله، ويا بختي السنة دي إني اشتغلت معاه، ولما عملنا الأسطورة سوا الناس كلها بقت تناديي شهد قلت له إيه ده الناس بتناديني شهد ليه، قالي لأن الدور نجح والشخصية علمت معاهم، لحد ما عملت لؤلؤ، وبقيت لؤلؤ مش شهد".