انهيار ريم مصطفى بسبب رامز جلال والأخير: فاتنة سن اليأس

استقبل رامز جلال الفنانة المصرية ريم مصطفى، في حلقة اليوم من برنامج رامز إيلون مصر، بوصلة ساخرة من ملامحها وإطلالتها. ودخلت الفنانة المصرية في حالة انهيار متوسلة لرامز جلال التوقف عن المقلب.

ريم مصطفى مع رامز إيلون مصر

وقال رامز جلال في استقبال ريم مصطفى: "مزة النهاردة تستحق لقب نجمة الإشاعات عن جدارة، ياما طلع عليها حاجات، زي مثلا خرابة بيوت وبتخطف الرجالة من الستات.. ملاحظ إن البودي قامط أوي، إنت لابساه ولا لازقاه..  بتاكل من فنانات كتير الجو.. البت خست وعمالة تحلو، معانا فاتنة سن اليأس ذات الجمال النرويجي هنعرف النهاردة دي الحقن الجديدة ولا عملية تكميم، أصل العود اللي وصلت له مستحيل يكون رجيم".

وأضاف رامز جلال ساخراً من ريم مصطفى: ".. دي مش مركبة رموش مركبة مقشات والوسط ده مش طبيعي، فجأة بقت سلمى حايك، الوسط ده يا إما نحت يا إما كورسيه، وجزمة دي ولا رجلين بطريق، ودي مش بتاخد بوتوكس دي بتعمل كمادات بوتوكس".

أكثر حلقات رامز جلال أثارت الجدل

من أكثر حلقات رامز جلال التي أثارت الجدل حلقة حسام حبيب، والتي استقبل فيها رامز جلال، طليق شيرين عبدالوهاب بمقدمة ساخرة قال فيها: "المطرب اللي سبب في زعل كل الناس منه، حسام حبيب، صاحب أكبر قصة حب توكسيك في تاريخ الوسط الفني، الموضوع بينه وبين شيرين سخن لدرجة إن الواد علشانها طلع أتبرأ من أبوه".

ومن بين كلمات رامز جلال الساخرة في استقبال حسام حبيب: "النهاردة أنا هقنعه يرجع المسروقات، ويركز في الأغاني والألبومات.. نبدأ حلقة النهاردة بحسام حبيب اللي عامل فيها عندليب.. الباشا زعيم شبكة التقليب الدولي، إيه الطقم ده ده مش مطرب ده بروكر ده يا حسام".

كما سخر من إطلالته قائلاً: "القميص عامل كده ليه سيب الاستايل ده لنجم الجيل.. أنت إزاي يطلع منك كل الشر ده مع شيرين.. دي خدت منك ضرب ما يديهاش أحمد العوضي.. نبغة في التقليب.. أنت مالك قافش في الورد كده ليه ما حدش هياخده منك.. نوال الزغبي بتسلم عليه بقرف". 

أما حلقة إمام عاشور،  فهدد فيها نجم النادي الأهلي، رامز جلال بالقتل ليستكمل بعدها رامز جلال المقلب. واستقبله رامز جلال ساخراً بكلمات: "لابس جاكيت كمسارية، جاكت معفن، والله الواد إمام عينه بارزة أوي كده زي عيون السمك ودقنه مدببة كده ليه! أنا بس عاوز أذممكم فيه لاعيب كورة كبير يلبس الجزمة دي أومال منة فضالي تلبس إيه! إيه التسريحة دي.. من قفاه عاملة زي خوذة الرومان".

ضحايا رامز إيلون مصر

وفي حلقة الفنانة زينة استقبل رامز جلال الفنانة المصرية ساخراً من إطلالتها بكلمات: "أيه بدلة عبدالعال دي يا بت، ولابسه شنطة وكوتشي ماركة عالمية الله يرحم صيدناوي وعمر أفندي".

وخلال الأيام الماضية، وقع عدد من النجوم ضحايا لحلقات رامز إيلون مصر، ومن بينهم  أحمد العوضي، أحمد فهمي، زينة،  مصطفى غريب، لاعب النادي الأهلي إمام عاشور.. وتحدث رامز عن الكثير من الأزمات الشائكة بين النجوم بينها علاقة أحمد العوضي وياسمين عبد العزيز، معتبراً أن العوضي تقرب من نجمة مشهورة ليحقق نجوميته على حسابها ثم يتركها..

رامز إيلون مصر

يعتمد برنامج رامز جلال على خداع الضيف بعد إقناعه بالمشاركة في برنامج لاكتشاف المواهب العلمية، ليفاجأ بعد أن يصبح عضوًا في لجنة التحكيم بأنه في تجربة مرعبة ومليئة بالمفاجآت.

مواعيد عرض برنامج رامز إيلون مصر

يعرض برنامج رامز جلال يوميًا خلال شهر رمضان في الساعة السادسة مساءً بتوقيت القاهرة. والإعادة في تمام الساعة 12 بعد منتصف الليلة.