رامز جلال يسخر من دونجا: ذقن عربجية وشارب محاسب

وقع لاعب نادي الزمالك، نبيل عماد، دونجا، ضحية لبرنامج رامز إيلون مصر في حلقة اليوم، وكعادته استقبله رامز جلال بوصلة سخرية من إطلالته وملامحه.

رامز إيلون مصر حلقة دونجا

وقال رامز جلال في استقبال دونجا: تحسه داخل زريبة أتعلم من زيزيو وخليك ناصح، فينك يا بيبو والله يرحمك يا عمري، معنا ومعكم أيقونة القلعة البيضاء، نبيل عماد دونجا أيقونة القلعة البيضاء اللي ماشي بطبنجة.. الحلقة دي عنوانها دوجزي يواجه دونجا.. ده لاعيب كورة! ده ستورجي.. لابس نضارة ليه أنت عندك عشا ليلي؟".

 واستكمل سخريته قائلاً: "الدقن دقن عرباجية والشنب شنب محاسب.. جاي في تسلا، آخر سفرية ليك رجعت في عربية ترحيلات.. النضارة مضروبة.. إيه البنطلون الكبير ده بنطلون سفرجية". وعند استخدام بالونة في المقلب استكمل رامز جلال سخريته: "عندهم عقدة من البلالين بعد إمام عاشور".

حلقات برنامج رامز إيلون مصر

خلال الأيام الماضية عاش الجمهور مغامرات النجوم في برنامج رامز إيلون مصر، ومن بينهم حلقة ريم مصطفى والتي استقبلها رامز جلال ساخراً:  "ملاحظ إن التوب قامط وضيق أوي، إنت لابساه ولا لازقاه ده؟ .. الوزن ده استحالة يكون ريجيم.. فاتنة سن اليأس ذات الجمال النرويجي هنعرف النهاردة دي الحقن الجديدة ولا عملية تكميم، ". ياما طلع عليها حاجات، زي مثلا خرابة بيوت وبتخطف الرجالة من الستات.. مزة النهاردة تستحق لقب نجمة الإشاعات عن جدارة".

 وأضاف رامز جلال في استقبال ريم مصطفى: "بتاكل من فنانات كتير الجو.. البت خست وعمالة تحلو، معانا فاتنة سن اليأس ذات الجمال النرويجي هنعرف النهاردة دي الحقن الجديدة ولا عملية تكميم".

ومن بين أكثر الحلقات التي أحدثت ضجة وأثارت الجدل، كانت حلقة المطرب حسام حبيب، والتي استقبل فيها رامز جلال، بمقدمة ساخرة قال فيها: "النهاردة أنا هقنعه يرجع المسروقات،.. حخليه يركز في الأغاني والألبومات إيه القميص عامل كده ليه سيب الاستايل ده لنجم الجيل.. المطرب اللي سبب في زعل كل الناس منه، حسام حبيب، صاحب أكبر قصة حب توكسيك في تاريخ الوسط الفني، الموضوع بينه وبين شيرين اشتعل لدرجة إن الواد علشانها طلع أتبرأ من أبوه".

وأضاف ساخراً: "الباشا زعيم شبكة التقليب الدولي، إيه الطقم ده مش مطرب ده بروكر ده يا حسام.. وبعدين قول لي .. أنت إزاي يطلع منك كل الشر ده مع شيرين".

أما حلقات أحمد العوضي، أحمد فهمي، فأثار بها رامز جلال الجدل بحديثه عن أدق التفاصيل  في علاقة فهمي والعوضي بهنا الزاهد وياسمين عبدالعزيز. فتطرق للحديث عن علاقة أحمد العوضي وياسمين عبد العزيز،  بكثير من الكلمات الصادمة التي أبدى الجمهور اندهاشهم من عدم اتخاذ النجوم رد فعل تجاه رامز جلال.

ضحايا رامز إيلون مصر

وكان من بين ضحايا برنامج رامز إيلون مصر، الفنانة زينة والتي واجهت شأنها شأن غيرها من ضيوف البرنامج موجة تنمر وسخرية بسبب طريقة استقبال رامز لضيوف حيث استقبلها قائلاً، وسخر من إطلالتها ووصفها بأنها بدلة عبدالعال.

وتعتمد فكرة برنامج رامز جلال، رامز إيلون مصر، على خداع الضيف بعد إقناعه بالمشاركة في برنامج لاكتشاف المواهب وذلك قبل أن يتحول الأمر لمقلب ضدهم. بالاستعانة بالنجمة نوال الزغبي التي اعتمد عليها رامز لإخفاء شكوك النجوم في المقلب.