رضوى الشربيني تُبكي محبيها في أول ظهور لها بعد وفاة والدتها

في أول ظهور إعلامي لها  بعد وفاة والدتها، خطفت الإعلامية المصرية، رضوى الشربيني قلوب محبيها، بعد أن انهارت من البكاء في أثناء الحديث عن والدتها الراحلة بكلمات مبكية

وظهرت الإعلامية المصرية بإطلالة باللون الأسود، وقالت في مقطع الفيديو الذي أبكى محبيها: "في آية بتقول لا يكلف الله نفسا إلا وسعها، يعني ربنا  سبحانه وتعالى مش هيشي حد حاجة إلا لو كان قدها، كان عندي كابوس لمدة 50 يوم مش  قادرة أتكلم عن تفاصيله دلوقتي، أو مش عايزة،  أقدر أتكلم عليها لما هقدر أتكلم عليها، لكن إحنا كان لازم نطلع، أولا  لأن إحنا عندنا رسالة ولازم نكملها، كماان  كان لازم أطلع لأن أنا نفس الست اللي  كانت بتطلع تقول لكم إن مع العسر يسر، ومهما الواحد مر بحاجات مش كويسة ربنا موجود.. اختبار صعب والحياة اختبارات وامتحان.. كل واحد فينا عنده امتحان شكل، وكل واحد فينا بيمتحن قدر استطاعته".

وانهارت رضوى الشربيني من البكاء حث لم تتمالك الإعلامية المصرية  نفسها لتستكمل حديثها: "كان عندي الاختيار إني ماطلعش وإني أطلع بعد رمضان، لكن أنا طالعة علشان أشجعك، ربنا قال إن مع العسر يسر، وانتوا كنتوا جزء كبير من يسري بدعاكم بدعاكم  لأمي وهي عايشة وهي ميتة".

 وأضافت: "ناس كتير وقفت جنبي، أشخاص ربنا سخرهم علشان يكونوا جزء من اليسر، إحنا بشر وكل واحد بتحصل له حاجات لازم  صبر عليها ويسحتملها حتى لو العقل مش مستوعبها  أو القلب مش مستحملها لكن هو ربنا  قال وبشر الصابرين، فإحا لازم نقول الحمد لله... انتو وحشتوني،   وأنا متشكرة جدا  لأني حاسة إن  كل اللي عملته الخمس سنين اللي فاتت مراحش ع الأرض.. بشكر شخص معين وقف جنبي وهو قاعد بيتفرج عليا".

وفاة والدة رضوى الشربيني

كانت حالة والدة الإعلامية رضوى الشربيني قد تدهورت قبل أيام، أثناء تواجدها بالعناية المركزة لإحدى المستشفيات مما استدعى وضعها على جهاز تنفس صناعي. 

وخلال هذه الفترة طالبت رضوى الشربيني من محبيها الدعاء لوالدتها ونشرت عبر حسابها الشخصي على تطبيق انستقرام صورة علقت عليها:"أمي بين أيد ربنا دلوقتي، والأطباء عملوا اللي عليهم، لكن أنا عندي يقين أنه رحمة ربنا واسعة والدعاء بيغير القدر، أدعوا لها أرجوكم"، وذلك قبل ساعات من إعلان الإعلامية الشهيرة لوفاة والدتها.

وكانت رضوى الشربيني وأسرتها قد أصيبو بفيروس كورونا منذ أيام إلا أن والدتها عانت من مضاعفات المرض، ودخلت في حالة صحية حرجة أودت بحياتها.

وفي عيد الأم نشرت، رضوى الشربيني،  صورة تجمعها بوالدتها الراحلة، على حسابها الرسمي بتطبيق  انستقرام، وعلقت عليها بكلمات مؤثرة جاء فيها: "أول عيد أم من غيرك...أول مرة أصحى وما أبوسش أيدك وأقولك انك أجدع ست وأحن وأطيب أم في الدنيا...أول عيد أم ما أجبش فيه هدية وورد وانتي تحضنيني وتتدعيلى...أول مره يا أمي وللاسف مش الاخيرة...كل ثانيه وانتي أمي...كل ثانية وانتي عيدك في الجنه يا أمي بإذن الله كل سنة وكل أم طيبة...كل سنة وكل أم توفاها الله في الجنة".