عارفة عبد الرسول بعد وقوعها ضحية لرامز جلال: تعرضت لصدمة نفسية

تحدث الفنانة عارفة عبد الرسول عن تفاصيل وقوعها ضحية الحلقة الأخيرة من برنامج مقالب رامز جلال، رامز نيفر إند، وسردت كافة تفاصيل استدراجها للأمر مشيرة إلى أن الأمر عرضها لصدمة نفسية تحتاج للتعافي منها قبل الرد على ما فعله فيها.

عارفة عبد الرسول تكشف تفاصيل استدراجها لمقلب رامز جلال

وأكدت عارفة عبد الرسول في توضيح عبر حسابها الرسمي على موقع التواصل الاجتماعي فيسبوك، أنها لم تكن تعلم بقصة المقلب نهائياً.

وتابعت: "اتصلت بيا واحدة وبكل الحب قالتلى احنا بنفتخر بيكي ونفسنا تحضري معانا افتتاح محل في البوليفارد"، مشيرة إلى أنها كانت تتمنى الذهاب إلى السعودية لذا وافقت فوراً على الأمر.

وأضافت: "من فرحتي مسالتش محل ايه لان كان نفسي أروح السعودية وكل اللى شغلني الوقت وزنقة رمضان بس البنت كانت شاطره وعرفت تدبر الميعاد، أخلص تصوير واطلع ع المطار الحق آخر طيارة افتتح المحل واطلع ع المطار...كده يعنى صد رد ولكم ان تتخيلوا الإرهاق والتعب".

وكشفت عن تفاصيل استقبالها من قبل فريق إعداد البرنامج قائلاً: ": من أول ماحطيت رجلي في المطار وانا باعامل كملكه..خدمة مرحبا وكبار زوار وحوسه....وصلت أخدتني عربية فارهة اللي فندق هيلتون الرياض ونزلت في حته نتفه سويت يجرى فيه الخيل وكل حاجه تاتش بقيت خايفه المس حاجة تفرقع فى وشى...الروم سيرفز كل شويه يخبطوا جايبين تحية من مدير الأوتيل وكارت بالإنجليزي معناه ان إدارة الأوتيل في غاية الانفشاح لاستقبالي".

وتابعت: "افتح التليفزيون الاقى صورى بفيديو لطيف وقد ايه احنا مش مصدقين انك معانا...تخيلوا معايا بس الحالة اللي أنا فيها...الصبح جم بنات كوافير وماكيير والبنت اللي اتصلت بيا واسمها شريفة...بقت تسالنى أسئلة عرفت بعدين أنها بتشوف شغلها...اطمنت عليا لأني جايه من تصوير واصرت انى أطلب أكل وأكل قبل ماننزل.

وأضافت: "وصلت قابلتنى المذيعة الجميلة كارلا المريحة للعين والقلب وخضت تجربة السهم والخيل وأنا فرحانة وقصيت الشريط بمقص تحفه ودخلت ع المطعم اللى كل حاجه فيه بتلمع قوى والشياكة والجمال وانا بازداد سعاده وفرحه مافرحتهاش عمرى...ووصل الشيف الكبير هو انا فعلا استغربت شكله وقولت لنفسي انه شبه الإرهابيين اسود ف اسود كده...وانا مشرئبه قوى وحاسه انى يسرا ولا مرفت امين...هوب لبست التورتايه".

عارفة عبد الرسول تصاب بصدمة نفسية

وأشارت إلى أن ما حدث معها عقب ذلك أصابها بصدمة نفسية تحتاج للعلاج منها قائلة: "انتوا متخييلين...طلعت سابع سما ونزلت على جدور رقبتي...مش مهم المقلب..صدمتي النفسية محتاجة علاج فعلا...انا باحب رامز جلال من زمان وعارفه أنه الواد الشقى بتاع العيلة وفرحانه بيه انه ماسك في الواد ده ومش بيتغير حتى أفلامه شقيه....لكن برضه مش كده...يعني افرض جرى لي حاجة...انا طول عمري صريحة معاكم وفعلاً ماكنتش اعرف وده اللي حصل...اما الست شريفة والسيد رامز ليهم روقه بس أتعالج من الصدمة الأول".

ودراً على حديث الجمهور على معرفة ضيوف رامز جلال مسبقاً بتفاصيل المقلب، علقت قائلة: "عيب أنا مش كدابة، وحياة ولادي ماكنت اعرف أنه رامز اللي حكيته هو اللي حصل بالضبط، مشيرة إلى أنها أدركت وقوعها ضحية لمقلب بعد إلقاء التورتة في وجهها.