حورية فرغلي تنهار باكية تضامنا مع أهل غزة وكلماتها تُغضب متابعين

دخلت الفنانة حورية فرغلي في موجة من البكاء تضامنا مع الشعب الفلسطيني، ونشرت عبر حسابها الشخصي على تطبيق تبادل الصور إنستغرام مقطع فيديو وجهت فيه رسالة إلى الشعوب والحكومات.

تفاعل الجمهور مع فيديو حورية فرغلي في تعليقات عبروا فيها عن دعمهم لها وتأييدهم لموقفها خاصة في ظل ما أسموه تخاذل بعض المشاهير. فيما أغضبت بعض كلماتها متابعين.

بكاء حورية فرغلي بسبب فلسطين

وقالت حورية فرغلي في مقطع الفيديو: "أنا بعمل الفيديو ده تضامن مع شعبنا الحبيب فلسطين، وقلبي كله حزن وبيتقطع من اللي بشوفه ويارب فك كربهم وانصر أهلنا في فلسطين، الأطفال اللي بتروح دي مش ذنبهم حاجة والناس مش ذنبها حاجة اللي بيروحوا ضحايا من غير ما تعمل أي حاجة حرام".

 وأضافت الفنانة المصرية: "معقولة الناس تروح ضحايا حد عمل حاجة غلط هم ذنبهم ايه الناس دي بتموت وتتباد كلها وبتحاسبوا شعب عشان فئة غلطت حرام الناس اللي بتموت دي يا جماعة".

لحظة انهيار حورية فرغلي: 

واستكملت حورية فرغلي حديثها معبرة عن ألمها الشديد مما تراه في مقاطع توثق ما يحدث لأهالي غزة قائلة: "أنا ماليش في السياسة خالص وعمري ما أتكلمت فيها بس والله العظيم لأول مرة أقول ده لازم جامعة الدول تتكلم وتعمل حاجة واحد يغلط يحاسب البلد كلها ازاي، أنا حزينة جدًا جدًا وبشوف الفيديوهات بتقطع ومبقدرش أكملها بس لازم يكون فيه حل ولازم الناس اللي تقدر تحل".

ويبدو أن بعض كلمات حورية فرغلي أغضبت البعض ليكتب متابعون في التعليقات: "شكرا لتضامنكم .. لكن تصحيح ليكي مفيش فئة غلطت … الناس بفلسطين بتموت كل يوم بس الاعلام بغطي وقت ما يصير حرب، كل يوم في ضحايا بكل فلسطين … الأرض هاي أرضنا وحقنا وما أُخِذَ بالقوة لا يُسترَد إلا بالقوة".

 كما جاء في التعليقات: "الفئة الي بتحكي عنها انها غلطتت هاي ناس شريفة بترجع حقها المسلوب اكتر من 74 سنة ، وانا ك فلسطينية بحكيلك كل شي فدا الوطن سوا بيوت أو شهداء ، نصيبنا هيك ، اللهم النصر"، "مفيش فئة غلطت طول عمر الفلسطنيين بيتبادو و محدش اتكلم الأخبار الي وصلتك غلط و غير كاملة يا حورية دا رد فعل بسيط من الفلسطنين بقالهم أكتر من سبعين سعر بيتقتلو و يتهانو و أصواتهم مبتوصلش ولا حد عاوز يساعدهم و لو بكلمه العالم كله واقف ساكت الضغط دا كلو تفتكري هيكون رد فعله ايه غير انهم يحررو بلدهم".