بسمة وهبة تتهم محمد فؤاد بالغدر بها والتسبب في بكائها

تحدثت الإعلامية بسمة وهبة عن تفاصيل بكائها خلال حلقة برنامجها العرافة في رمضان 2023 التي استضافت فيها الفنان محمد فؤاد بسبب أغنية طمني عليك واصفة إصراره على الغناء بالغدر في حقها.

بسمة وهبة تتهم محمد فؤاد بالغدر

وأوضحت بسمة وهبة خلال لقاء لها في برنامج ET  بالعربي، أن ما فعله غدر بها بالاتفاق مع فريق العمل خاصة أن الجميع يعلم نقطة ضعفها، قائلة: "كانت حركة ندالة جدا من محمد فؤاد وفريق عمل البرنامج، عارفين أن نقطة ضعفي هي أولادي، منذ انفصالي عن والدهم وهم في سن صغيرة، عشت في بلد وهم في بلد آخر، وأنا مت ولم أدفن"؟

وأشارت إلى أن غناءها للأغنية كان بمثابة قهر لها قائلة: "الأغنية دي كانت قهر لي، ومحمد فؤاد غناها لينكد علي ويكسرني قبل الحلقة، سألته جاهز؟ فقال لي أنتِ اللي جاهزة؟ يلا يا أستاذ إيهاب عملية مش عارفة كم، ولقيت الأغنية، في كمية غدر في البرنامج دا".

وكانت بسمة وهبة عبرت عن غضبها من محمد فؤاد من خلال رسالة وجهتها له عبر تطبيق إنستغرام قائلة: "بص يا محمد يا فؤاد أنا بجد مش مسامحك ومتشكرة ليك لان الأغنية بقيت أسمعها".

بسمة وهبة تكشف سبب بكائها في برنامج العرافة

وعلقت بسمة وهبة بعد انتهاء الحلقة  متحدثة عن سبب بكائها قائلة: "عايزة أقول للسادة المشاهدين أن أغنية ممكن تكسر البني آدم من جوة، وتحسسه بحزن شديد، زمان الأغنية دي لما كانت بتشتغل مكنتش بحس بالضعف ده ولا بكسرة القلب ده والحزن ده لكن أنا كبرت في السن، كل ما أكبر كل ما مشاعري بتكبر".

وتابعت: "بحب ولادي وواحشني، بحلم أني أشوفهم وسعيدة لما بشوفهم، مش مسامحة إنك اتكيت على الحتة دي ودموعي تنزل مش هو ده الصح زعلانة منك، مدربة نفسي، الأغنية شغالة، كلمات الأغنية صعبة للي مفتقد شخص، ولادي لما بيوحشوني بروح على صورهم وأشوفها عشان تصبرني وانا ولادي مش عايشين معايا من صغرهم كل واحد في بلد، أنا كبرت وعرفت دلوقت أني كبرت لان مشاعري مش بتتحمل، بيوحشوني أكتر من الأول ويشتاق لهم أكتر من الأول ونفسي أعيش معاهم أكتر من الأول".

وأكدت أنها كانت ترغب في ترك الحلقة وعدم استكمالها قائلة: "أنا لولا أني أحترم المحطة كنت سبت الحلقة بس أنا كملت الحلقة، ومش مسامحك يا محمد يا فؤاد ولا مسامحة كل واحد تآمر معاك عارف نقطة ضعفي".