حلا شيحة تعتذر لفناني مصر وتوجه رسالة خاصة

قدمت حلا شيحة اعتذارها للنجوم المصريين بعد مجموعة من الرسائل التي دونتها الفنانة المصرية عبر حسابها الشخصي عقب إعلان توبتها التي تزامنت مع زواجها من الداعية الإسلامي معز مسعود.

وأعلنت حلا شيحة أنها قابلت أشرف زكي نقيب الممثلين المصريين، ووجهت له الشكر بعد دعمه لها، معتبرة أن التصريحات تم ترويجها بطريق خاطئة بدت فيها كأنها تسيء للنجوم المصريين.

اعتذار حلا شيحة

وكتبت حلا شيحة عبر حسابها الشخصي على تطبيق إنستغرام: "التقيت اليوم بالدكتور أشرف زكي نقيب المهن التمثيلية، داخل مقر النقابة، وجهت له الشكر على دعمه الكبير لي في أزمتي الأخيرة، ووقوفه بجانبي وبجانب جميع الفنانين؛ وتظل نقابة المهن التمثيلية الدرع الحقيقي لكل فناني مصر".

وأضافت: "وأقدم اعتذاراً لجميع فناني مصر وعلى رأسهم الدكتور أشرف زكي نقيب المهن التمثيلية، عن التصريحات التي تداولتها وسائل الإعلام المختلفة؛ خلال الفترة الماضية وتم ترويجها بطريقة خاطئة، مؤكدة أنها تكن كل الاحترام والتقدير لجميع فناني مصر".

ويأتي اعتذار حلا شيحة بعد آخر قدمته خلال الفترة الماضية عقب انفصالها عن معز مسعود وخلع الحجاب، وإعلان نيتها العودة إلى الفن مجدداً بعد هجوم شنته على تامر حسني والعاملين بالوسط الفني.

وكانت الفنانة الشهيرة قد كتبت: "شكراً للبيت الكبير، نقابة المهن التمثيلية وشكراً دكتور أشرف زكي النقيب الداعم والسند لكل مبدع مصري وكل إنسان قبل أن يكون فنان.. واعتذر عن أي كلمة بدرت مني خرجت في وقت حرج في حياتي ولم أقصد أبداً الإساءة لأحد ولا أحمل إلا كل الحب وأتمنى الخير لكل الناس".

حلا شيحة تهاجم تامر حسني بعد إعلان توبتها

 وقالت حلا شيحة في منشور سابق لها هاجمت فيه تامر حسني وأعلنت توبتها: "احنا يمكن نجحنا بمقاييس الدنيا بس صدقوني بمقايس ربنا احنا لم ولن ننجح، انا عارفة ومتأكدة ان زملائي جواهم خير بس للأسف فتنة الشهرة والنجاح مش بتخلينا.

وأضافت: "بتكلم من قلبي الكليب ده ميرضيش ربنا وأنا عيطت لأني شفت نفسي في المشاهد دي .. دي كانت زلة نتيجة ظروف مريت بيها، وكلنا بنغلط ولازم نغلط علشان احنا بشر، بس المصيبة أننا نغفل وننسى .. انا مش حتكسف من حد انا تبت من المشاهد دي، وهي لا تصح وأنا غلطت وبصلح، وأهم حاجة ان ربنا يرضى عني، لان في الآخر ده اللي حينفعنا مش الشهرة ولا النجاح.. لا هو مش نجاح أصلاً علشان النجاح الحقيقي حاجة تانية خالص احنا أغلبنا ناسينها إلا القليلين منا".

وتابعت: "الفن لو بيخلينا نبعد عن منهج ربنا و منبقاش قدوة لولادنا يبقي باطلاً، و ميبقاش فن احنا كلنا عندنا امتحان في الدنيا دي و حابة أفكرك بالفيديو ده يا تامر اللي قولت فيه انا مش بتمنى أموت وأنا مطرب انا دايما خايف من كده.. كلام أكيد قولته في لحظة صدق جواك وجوانا كلنا".

ونشرت له مقطع فيديو من لقاء تليفزيوني قديم له مع الإعلامية إنجي علي، رد فيه تامر حسني على سؤال حول أمنية يتمناها قائلاً: "الحقيقة اللي أنا بتمناه إني ما موتش مطرب".

 وعلقت بكلمات: "انا وكلنا بنغلط بس المهم في الآخر نتدارك الغلط ونصلح .{إِلَّا مَن تَابَ وآمن وَعَمِلَ عَمَلࣰا صَـٰلِحࣰا فَأُو۟لَـٰۤىِٕكَ یُبَدِّلُ ٱللَّهُ سَیِّـَٔاتِهِمۡ حَسَنَـٰتࣲۗ وَكَانَ ٱللَّهُ غَفُورࣰا رَّحِیمࣰا}.. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد.. نشوف ونقيس الأمور صح".

رد تامر حسني على هجوم حلا شيحة

هجوم حلا شيحة دفع تامر حسني للرد قائلاً: "للتوضيح بما إنك يا حلا كتبتي بوست وأشركتي الجمهور الكريم معانا بدال ما كنتي تكلمينني شخصياً ونتناقش بيني وبينك، فا أنا مضطر أرد هنا برضو، أولاً أنا عمري ما وعدتك إن الكليب مش هينزل دا محصلش أصلا يا حلا مش أنا خالص اللي أوعد وأخلف".

وأضاف: "الحقيقة إني احترمت كلامي معاكي ووعدتك أشيل مشاهد تانية طلبتيها وشيلتها بالفعل وشكرتيني عليها ولو حابه تفتكري المشاهد اللي اتشالت بعد إذنك روحي شوفيها في المونتاچ عند الأستاذ عمرو عاكف أو كلميه يبعتهالك كلها موجودة، وبعدين الفيلم بقاله 3 أسابيع في السينمات، والكليب موجود جوه الفيلم هو بالنسبالك الحرام إننا ننزل الكليب على اليوتيوب بس !! إنما الكليب يتشاف جوه السينمات عادي ؟ منطق غريب فعلاً يا حلا".

وتابع: "وبعدين هو مش أنتي اللي مضيتي عقد وتقاضيتي عليه مبلغ كبير عشان الدور دا بعينه !!!!! هو مش إنتي اللي صورتيه و مثلتيه بنفسك وبمنتهى الرضا ولاّ حد أجبرك ؟!!!!!! وللتوضيح للجمهور الكريم أنا والمخرجة الأستاذة سارة وفيق بعتنالك وكنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظة تقوليها، ماكنتيش بتردي علينا وتليفوناتك كلها كانت بتقفل في وشنا، إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا، ولو كان ليكي أي طلب تاني كنت هعمله بكل حب إنما إنتي فجأه أختفيتي ومكملتيش تركيب صوتك في الفيلم ولا جيتي تتصوري عشان أفيش الفيلم أصلًا ومخليتيناش نعرف نعمل أفيش مجمع !!!".

واستطرد: "بقيتي تقفلي تليفوناتك وتكنسلي علينا كلنا وبعدين أي فيلم بيبقى ليه خطة مسبقة في الدعاية وانتي عارفاها كويس ووافقتِ عليها ودا كليب رومانسي، يعني معقول كنتي عايزة المنتج يشيل كل مشاهدك اللي صورتيها من الكليب ويطلعني بغني وبقول الكلام الرومانسي دا للأستاذ ماجد الكدواني مثلاً هو دا يُعقل ؟؟!!!!! أنا زعلان منك جداً يا حلا على مفردات البوست بتاعك الغير موفقة ومستحيل هرد بطريقتك اللي فيها تجريح واتهامات باطلة ليا احتراما لحجات كتير يمكن فايتاكي بس مش هتفوتني وعلى فكرة انا واثق أنك عارفة إني مستاهلش منك كدا واكتفي بالتوضيح دا وربنا يهدي الجميع ويكتب لكِ كل الخير اللهم آمين".

ورداً على هجومها كتب: "وبعدين هو مش أنتي اللي مضيتي عقد وتقاضيتي عليه مبلغ كبير عشان الدور دا بعينه !!!!! هو مش إنتي اللي صورتيه و مثلتيه بنفسك وبمنتهى الرضا ولاّ حد أجبرك ؟!!!!!! وللتوضيح للجمهور الكريم أنا والمخرجة الأستاذة سارة وفيق بعتنالك وكنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظة تقولينها، ماكنتيش بتردي علينا وتليفوناتك كلها كانت بتقفل في وشنا، إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا ولو كان ليكي أي طلب تاني كنت هعمله بكل حب إنما إنتي فجأه أختفيتي ومكملتيش تركيب صوتك في الفيلم ولا جيتي تتصوري عشان آفيش الفيلم أصلًا ومخليتيناش نعرف نعمل آفيش مجمع !!!".