حورية فرغلي تعتبر عن ندمها وتوجه نصيحة للفتيات: الجمال ليس كل شيء

وجهت الفنانة حورية فرغلي نصيحة إلى الفتيات بعد التجربة التي مرت بها وخضوعها مؤخراً لعملية استئصال الرحم بالكامل بعد الإصابة بعدد من الأورام فيه والتخوف من تحول الأمر لأورام سرطانية.

حورية فرغلي توجه نصيحة للفتيات

وأوضحت حورية فرغلي خلال لقاء لها في برنامج ET بالعربي أنها تعتبر الآن الجمال ليس كل شيء، ولكن لا بد للفتيات أن تتزوج ويكون لديها أطفال لأنها تشعر بالندم الآن على ذلك.

وقالت حورية فرغلي في رسالتها للفتيات: "الجمال مش كل حاجة، لو أنتي جميلة الناس هتقول واو زي القمر، ولكن لما ياخدوا عليكي هيشوفوكي عادية جدا، واللي بيعيش فعلا هو أنك تتجوزي ويكون عندك ولاد، ودي الحاجة اللي ندمانة عليها".

وتابعت: "لو رجع بيا الزمن هتجوز للآن هو ده اللي كان هيعيش لي، أصل مين يأخذ باله مني وهيحبني بشكلي ده غير جوزي اللي مش عارفة هو فين دلوقتي وإن شاء الله يظهر".

حورية فرغلي تتحدث عن ضياع حلم الأمومة

وحول حرمانها من تحقيق حلم الأمومة الذي كانت تحلم به، علقت حورية فرغلي: "أنا مؤمنة بقضاء ربنا، ومن صغري وأنا عارفة أن عندي ورم في الرحم وعارفة أن دي وراثة، شالولي الرحم والورم كان لازق في كل حتة وقعدوا خمس ساعات يفكوه".

وطمأنت حورية فرغلي الجمهور حول حالتها الصحية مؤكدة أنها أصبحت أفضل بعد العملية الجراحية خاصة أنها خضعت لها من قبل.

وعلقت: "حاسة بنفسي أحسن بكتير وعندي طاقة ومش تعبانة وبأكل كويس لأن الورم اللي على الرحم كان مآثر عليا، ودي مش أول مرة أخضع لعملية، عملت عملية شبه دي وأنا عندي 30 سنة وكان عندي 7 أورام والدكتور قال لي قدامك 10 سنين وبالمساعدة تقدري تحملي ولما تخلفي وأنا بولدك هشيل لك الرحم، وما أتجوزتش خلال المدة دي".

وتحدثت عن حلم الأمومة قائلة: "عمري ما مسكت بيبي ولما مسكتها حسيت وكأني بتكلم مع بنتي، وفي آخر الكلام قلت لها هسميكي حورية، وكنت بتكلم من قلبي، وكان نفسي أجيب بنت وده حلمي طول عمري، ومش عارفة إيه ممكن يعوض الإحساس ده، خاصة إن الحاجة الوحيدة اللي كانت ممكن تفرحني هي إني أجيب بيبي".

وكانت حورية فرغلي خضعت مؤخراً لعملية استئصال الرحم بالكامل بشكل مفاجئ بعد أن تعرضت لنزيف وطلب منها الطبيب الكشف لتفاجئ بطلبه التوجه في اليوم التالي لإجراء عملية جراحية قائلة: "قالي لازم تعملي عملية الساعة 7 الصبح".