زوجة حسن شاكوش ترد على انتقادات سجودها في حفل الزفاف

علقت ريم طارق، زوجة مطرب المهرجانات حسن شاكوش على الانتقادات التي وجهت لها بعد مشهد سجودها في حفل زفافهما قبل أيام وتصدرها الترند، وكشفت عن سبب قيامها بهذا التصرف.

زوجة حسن شاكوش ترد على انتقادات سجودها

وأوضحت زوجة حسن شاكوش أن تصرفها كان وليد اللحظة بسبب شدة فرحها لإتمام الزواج من المطرب الشعبي، وروت قصة تعارفهما التي امتدت لسنوات.

وقالت زوجة حسن شاكوش في لقاء لها لبرنامج ET بالعربي: "دي حاجة بعيدة عن السوشيال ميديا، ومفيش حد يقدر يضحك على ربنا"، وأضاف حسن شاكوش قائلاً: ""مش بتسيب فرض".

وأوضحت ريم طارق سبب سجودها قائلة: "أنا كنت واخدة عهداً على نفسي لما أدخل بالإطلالة الأولى لازم أسجد وأشكر ربنا لأنه عوضني بحسن، هو أحسن واحد في الدنيا في عيوني".

وحول بداية تعارفهما، لفتت أن علاقتهما تعود لسنوات ماضية، قائلة: "إحنا جيران من وإحنا أطفال، وبعدها مشينا من المنطقة ومن 10 سنين ماشوفتوش، وسأل عليا وقال عايز يتجوزني".

وتابعت: "حسن عندي حاجة كبيرة أوي، لعيب كورة وأشيك واحد في المنطقة، وعسول وكاريزما، وأنا واثقة فيه ثقة عمياء".

وأضاف شاكوش: "أنا طلبت أيدها من 3 سنين لكن كانت مخطوبة، وربنا كرم وكانت من نصيبي".

زوجة حسن شاكوش تثير الجدل بسجودها

وكانت زوجة حسن شاكوش تصدرت ترند مواقع التواصل الاجتماعي بعد مشهد سجودها على الأرض لله في حفل زفافها وهي ترتدي فستان الزفاف وهو ما فاجأ الجميع.

وتعرضت زوجة حسن شاكوش للانتقادات من البعض كان أبرزهم الإعلامية رضوى الشربيني التي علقت خلال برنامجها هي وبس قائلة: "حركة أوفر جدا، وآخر حاجة كنا بنشوفها إن لا عيبة الكورة يسجدوا لما يجيبوا جون، آخر حاجة شوفناها إن العرايس لما تبقى فرحانة أوي وسعيدة تبوس إيد جوزها أو كتفه أو تحضنه، ولكن واحدة ست تسجد في فرح شكر لربنا قدام الناس والصحفيين، مشوفناش الكلام ده قبل كده، ولكن كل واحد من حقه يعبر عن فرحته بالطريقة اللي تعجبه"