نجل أشرف مصيلحي يوجه رسالة له: كنت بتفهمني

وجه يوسف ابن الفنان الراحل أشرف مصيلحي، رسالة له بعد وفاته نتيجة صراعه مع المرض الذي استمر لأكثر من 3 سنوات، معبراً عن شدة حبه له مشيراً إلى أنه يشعر بالفخر لكونه نجله

ابن أشرف مصيلحي يوجه له رسالة

ونشر يوسف أشرف مصيلحي، مجموعة من الصور تجمعه بوالده الراحل عبر حسابه الشخصي على تطبيق إنستغرام، وعلق عليها قائلاً: "الله يرحمك يا أطيب وأجدع وأحن أب في الدنيا وكان نفسي تكون موجود وشايف حب الناس وروحك الحلوة الموجودة في كل حد فينا".

وأشاد نجل أشرف مصيلحي بطريقة والده في التعامل معه، مثل الأصدقاء وعدم شعوره بالضيق منه يوماً ما، قائلاً: "تشوف الناس كلها بتقول عليك إيه من أصغر واحد لحد أكبر واحد، وأنا فعلًا مش فاكر ولو مرة واحدة أنت عملت حاجة ضايقتني أو حتى شدينا مع بعض زي أي أب وابنه وده عشان إحنا كنا صحاب وكنت بتفهمني وعارف دماغي".

وروى بعض تفاصيل معاناة والده مع المرض، خاصة في الفترة الأخيرة التي فقدوا فيها التواصل معه، قائلاً: "أنا عارف أنك دلوقتي مرتاح أكتر بكتير وأكيد مبسوط وأنت شايفنا كلنا متجمعين وحاسس أكيد بكل المحبة اللي كانوا موجودين اليومين دول وهيفضلوا موجودين على طول، ودلوقتي أنا هعرف اتكلم معاك وعارف أنك هتسمعني يمكن أكتر من آخر فترة كنت موجود وسطنا عشان كنت تعبان فا مش بعرف اتكلم معاك".

واختتم حديثه: "أنا عايزك تعرف إني بحبك أوي وهفضل شايل اسمك وأنا فخور إنك أبويا لحد لما أجيلك إن شاء الله.. بجد بحبك أوي يا بابا وعارف أنك أكيد في الجنة إن شاء الله"

وفاة أشرف مصيلحي

يذكر أن أشرف مصيلحى توفي بعد صراع مع السرطان استمر 3 سنوات، وتسبب في حدوث مضاعفات له وتدهور حالته الصحية، وكانت أخر أعماله مسلسل الطاووس عام 2021، كما شارك في بطولة فيلم براءة ريا وسكينة إنتاج نفس العام ولكنه لم يعرض بعد.