ريما الرحباني تهاجم حفل ليلة أمل وتصف إليسا بالضحية

هاجمت ريما الرحباني حفل ليلة أمل الذي أحياه أسامة الرحباني وهبة طوجي وشاركهم فيه كل من النجمة إليسا وإبراهيم معلوف، واعتبرت أن الحفل تشويه لإرث الفنانة فيروز.

ونشرت ريما الرحباني منشور عبر حسابها الشخصي على تطبيق التواصل الاجتماعي، فيسبوك، وجهت فيه كلمات حادة للمشاركين في الحفل.

 ريما الرحباني تهاجم أسامة وهبة طوجي

وكتبت ريما الرحباني في منشورها: "يعني بيكون الواحد عايش بأمان الله وومرتاح وناسي الله اللي خلقن بيطلعلو حدا يحطّلو ع صفحتو شي ما بعرف شو فينا نسميه! والله من بعد ما شفت هالمقطع العجيب من شي إسمو متل الحلم او متل الكابوس هيك شي، فهمت ليه الكل كان ناطر قول شي! وما كنت ناوية لا شوف ولا قول إنما شرّف المقطع لعندي ما عاد فيني ما قول!".

وأضافت: "اللي رح قولو ما ح يكون طويل  لأن مانو محرز أعطيه  أكتر من كلمتين نضاف من وقتي ومن حجمو! ويمكن تتفاجاؤوا باللي رح قولو!".

ريما الرحباني تصف إليسا بالضحية

ووصفت ريما الرحباني إليسا بالضحية قائلة: "الحق مش على إليسا.. واليسا باللي صار ضحيّة مش مجرمة، المجرم الأوّل والأخير هوّي الطبل اللي داير إليسا والتوابع، ومعتقد حاله، بيحق له يتصرّف ويأذن للفنانين يغنوا أغاني فيروز»، ومعتقد يحق لّه يشوّه يبهدل هالإرث براحتو بدون حسيب ولا رقيب، وهالشي كله فقط لأن عبقري متل زياد أعاد بعض الأغاني".

وأضافت: "فإعتقد الطبل إنو هو كمان عبقري ووريث وو بدّو يعيد ووو نفس الأغاني! كما وإني كنت أكيدة انو إستقواء اليسا بالمرّات السابقة كان مدعوم بأذونات الطبل اللي قاعد ع المسرح!  بس قد ما ذكي فضح حالو وقطع الشك باليقين! بس معليش.. إلا ما يصير في دولة وحبوسة فهيدا الموضوع ما رح فوت فيه هلق!".

يذكر أن فاجأت الفنانة إليسا جمهور حفل ليلة أمل بظهورها على المسرح بعد أن كانت من بين الحضور، لتغني أغنية زهرة ياسمين وميدلي أغنية أدتها منفردة، من كلمات الشاعر كمال قبيسي، وألحان أسامة الرحباني،

وتضمن مطلع الأغنية كلمات: "أنا أهلك أنا أحبابك أنا العطر اللي ع تيابك. أنا الطير والزيتون أنا صفحة من كتابك". وفي كلمتها عبرت إليسا عن سعادتها لمشاركة  هبة طوجي وأسامة الرحباني الحفل موجهة كلامها للموسيقي اللبناني الشهير قائلة: "دائماً أقول إنه أنا عملت كل شيء، بس اليوم عنجد فيني قول إني عملت كل شيء لأني وقفت على مسرح الرحابنة".

ريما الرحباني تسخر من أسامة الرحباني

وتابعت: "المهم بالموضوع إنّو شغلة اللي بدّو يعيد شي ويسمّي حالو بروديوسر ويمضي ع الطالع والنازل وفوق كل الأسامي ويعربش ع الأصل والأصليين، شغلتو مينيموم يعلّم الفنان أصول اللفظ واللحن والأداء والكلاااااااااااام  والكلام! مش شغلة المغنّي يغنّي ع ليلاه! وينبش كلام من ذاكرتو وقت كان عمرو عشر سنين! واللي بدّو يعمل تحيّة ولو كذّابيّة لعمّو  أقلّه يحترملو ألحانو ويحترم ورثتو".

واستكملت ريما الرحباني هجومها قائلة: "خاصة اذا كان عارف ومأكّد إنّو الورثة ما بيريدوا هالأغاني بالذات تنعاد  (ورثة الياس) واذا بتمرق ع بعض الناس إنّو هاي فعلا تحيّة ما بتمرق ع كل الناس إنّها كذّابيّة! عدا عن إنّو ما بفهم كيف ممكن واحد يعمل حفلة كلا نشاز! بهالوقاحة! شو ما شاطر يتفلسف إلا ع الهواة؟".

واستكملت سخريتها من الرحباني قائلة: "ومصدّق حالو ونازل فيهن بهدلة إنّو هوي يابا شي كتير مهم وعبقري وديكتاتور ومُتطلّب وقاسي ومش سهل الرضى أبداً...  كيف بيوقف الشخص كيف بيحرك إيدو كيف بتحرك الراس وين بيلتفت أيمتى بيلتفت.. كل شاردة وواردة بدّو يكون راضي عنّا... وما بيعجبو العجب! والله العظيم تحط نفسك في مواقف بايخة".

واختتمت منشورها قائلة: "ف هاي ما كانت تحيّة هاي كانت إهانة لأعمال عاصي ومنصور والياس وبس بزيادة هلّق! أخيراً أخيراً أخيراً  في عاصي الرحباني واحد ما في غيرو ولبعد ألف سنة ما بيجي غيرو! عرفت كيف؟ شد طلوع شد طلوع اوعى ما تزمّر ع الكوع".

حفل ليلة أمل

يأتي هجوم ريما الرحباني بعد حفل ليلة أمل والذي أحيته هبة طوجي وأسامة الرحباني في لبنان، وهو الحفل الأكبر الذي تشهده بيروت منذ ما يزيد عن عامين وأكثر. وحمل الحفل اسم ليلة أمل، في إشارة من القائمين عليه إلى بدء عودة الحياة الفنية للبنان بعد الأزمة التي عاشتها خلال الفترة الماضية على خلفية انفجار مرفأ بيروت، وضم الحفل 50 موسيقياً من أبرز عازفي الأوركسترا الفيلهارمونية اللبنانية،فضلاً عن كورال صوت الجنة، إلى جانب مجموعة من الراقصين المحترفين.