أنغام تدعم شيرين عبد الوهاب بعد أزمتها الأخيرة

وجهت الفنانة المصرية أنغام، رسالة دعم ومساندة لزميلتها الفنانة شيرين عبد الوهاب، بعد أزمتها الأخيرة في تسريب مكالمة والد زوجها الفنان حسام حبيب، أثناء تحدثه عنها بطريقة غير لائقة.

رسالة أنغام لدعم شيرين

وعبر صفحتها الموثقة على موقع التواصل الاجتماعي فيسبوك، قررت أنغام كتابة رسالة دعم وتوجيهها إلى شيرين أعقاب أزمتها الأخيرة.

ونشرت أنغام صورة شيرين عبر صفحتها الرسمية على فيسبوك وكتبت معلقة: "بنت الأصول ومتربية على الأصول، شيرين عبد الوهاب"، في إشارة منها لموقف شيرين تجاه زوجها حسام حبيب بعد أزمة تسريب مكالمة والده.

ولاقت الصورة والمنشور، الذي شاركته أنغام مع متابعيها، تفاعلا كبيراً بين المتابعين، حيث علقوا على هذه الصورة ودعموا أنغام في موقفها المساند لشيرين.

الجمهور يدعم شيرين عبد الوهاب

وكتب بعض الداعمين: "اكيد وهي ست جدعه وقويه واصيله وربنا هيقف جنبها دايما وكفايه حب الناس ليها"، "وانتي بنت اصول كونك تكوني معاها وتدعميها..... ف ناس شمتت ف شيرين حسبي الله ونعم الوكيل"، "جدعة و ب ١٠٠ راجل و خسارة في أي حد ميقدرهاش و يقدر صدقها ربنا يكفيها شر نفسها و شر الناس"، "من شب ع شئ شاب عليه .. شيرين بنت اصول وجدعه وبنت بلد وده لانها اتربت ف عيشه عاديه زينا ف كبرت ع الاصول والاصل وشيرين فنانه كبيره وجميله ومحبوبه وتستاهل كل خير ربنا يكرمها ف حياتها لأنها انسانه طيبه".

تابعت التعليقات الداعمة: "فعلا هي بنت بلد وجدعه وفعلا بنت أصول اتكلمت علي جوزها وأمه بكل احترام واكيد انتي كمان بنت أصول ومحترمه والناس ال بتتكلم وحش عليها دول أعداء النجاح ولمسه جميله منك يا جميلة الجميلات انك شيرتي هذا البوست كلك ذوق"، "فعلا والله بنت اصول وجميلة وقلبها ابيض ربنا يبارك لها فزوجها وأولادها ويارب ديما فرحانه بيهم ومعاهم"، "انا سمعت الفديو بتاع والد جوزها وسمعت ردها كمان شرين محترمه جدا جدا الصراحه لو اي حد مكانها كان هيبقي ليه رد تاني".

وواجهت أنغام بعض التعليقات المنتقدة لاختيارها لصورة شيرين، حيث علق البعض على أنه مفتوح بعض الشيء، غير أن التعليقات الإيجابية تغلبت على السلبية.

وكتبت إحدى الحسابات المدافعة عن أنغام وشيرين: "ناس غاوية تفاهة سايبين رد فعلها وماسكين فى الفستان وبيقولو الفنانين ما يعرفوش الأصول نسيو إن الفنان إنسان وبعدين شيرين محترمة وهو مش باللبس على فكرة ياما ناس بتلبس محترم لكن معندهمش اخلاق شيرين بنت بلد وجدعة وعمرى ماشوفت ليها منظر قباحى ولا طلع عليا اشاعة حتى تسئ سمعتها اتقوا الله وخليكو فى حالكو شوية اى إن كان هى ليها رب يحاسبها وربنا ادرى باللى بينها وبينه وانتو هاتتحاسبو على كلامكو ده".

شيرين عبد الوهاب تدافع عن حسام حبيب

وقررت شيرين عبد الوهاب الرد على تسجيل والد زوجها حسام حبيب المسرب، عن طريق تسجيل صوتي جديد خاص بها، أوضحت من خلاله ملابسات ما حدث.

وقالت شيرين عبد الوهاب في تسجيلها الذي شاركته مع الجمهور عبر حسابها على موقع التغريدات القصيرة تويتر: "عايزة أطمن كل الناس اللي بتحبني، كل الناس الكويسين، أني بخير، مفيش أي نوع من الخطورة عليا وعلى حياتي".

تابعت شيرين عبد الوهاب: "بالنسبة للي حصل محتاج أني أرد عليه، ومش هينفع أرد عليه في كلمة أو اتنين، فاسمحوا لي أني أقولك لكم، حسام جوزي اللي أنا معاشراه، ده إنسان من أنضف رجال الدنيا، وإنسان أنا معاشراه محترم ومتربي وبيحبني أكتر من نفسه وما يستاهلش أبدا أبدا منكم كم القسوة دي، بس أنا عاطياكم العذر لأن أنتو متعرفهوش".

أضافت شيرين: "بس عايزة أقول لكم أن الراجل ده، اللي ربنا حطه في طريقي في وقت كنت فيه متكسرة ومتدمرة، هو بنا لي شخصيتي، وخلاني بقيت بعرف أتكلم ورجعني لنفسي تاني، ورجع لي الثقة، حسام ربنا هو اللي باعته لي، وربنا مبيعمليش حاجة وحشة".

أكدت شيرين أن حسام حبيب يحبها هي وبناتها أكثر من أي شخص وحتى نفسه، بدليل انه منذ زواجهما لم يستفد من ناحيتها باي شيء كما أشيع ولم ينتفع من وراءها، مؤكدة أنه يخاف عليها وعلى ابنتيها أكثر من أي شيء.

أوضحت شيرين عبد الوهاب أن حماتها سيدة فاضلة، ربت شخص عظيم مثل ابنها حسام حبيب مشيرة إلى أن حسام حبيب ووالدته شخصين عظيمين، وأن حسام حبيب شخص نقي ونظيف القلب واليد وهو هدية الله إليها، وطلبت من جمهورها الدعاء لهما بالذرية الصالحة.