رضوى الشربيني تنفي زواجها سراً: مش أنا اللي تتجوز في السر

  • تاريخ النشر: الأحد، 22 نوفمبر 2020
رضوى الشربيني تنفي زواجها سراً: مش أنا اللي تتجوز في السر

خرجت المذيعة رضوى الشربيني لترد على حقيقة ما تم تداوله مؤاخراً عبر مواقع التواصل الاجتماعي خلال الساعات الماضية، حول زواجها في السر من رجل متزوج من إعلامية أخرى.
وقالت رضوى في بث مباشر عبر حسابها على بموقع فيس بوك أنها منذ أن دخلت مجال الإعلام واجهت الكثير من الشائعات، والآن كان لا بد أن ترد لأن الشائعة الحالية لا تخصها وحدها، بل متعلقة بأشخاص أخرين أصدقائها.
وأكدّت رضوى أن كل ما تردد في هذا الشأن غير صحيح، قائلة: «أنا مش مرتبطة ولما هرتبط كل الناس في مصر هتعرف.. مش مصر بس ده الوطن العربي كله هيعرف".
وتابعت:" عشان أنا مش الست اللي بتعمل حاجة في الخفاء.. الجواز مش حرام ومش عيب، لكن أنا دلوقت مش مرتبطة خالص، بقول ده لأن في شخص مش محترم طلع عليا إشاعة مش محترمة".
وأضافت:" لو أنت مبتحبنيش طلع اللي أنت عايزه مش هتكلم، لكن متضرش ناس تانية معايا، ليه تضر عيلة كاملة وراجل وست محترمين ملهمش ذنب، الناس دي إخواتي فعلا".
واستكملت رضوى حديثها:" في ست تقبل إنها تتجوز راجل متجوز لكن أنا لا أقبل ده، مهما حصل، كل الناس يعرفوا هي مين رضوى الشربيني".
واختتمت:" وإن أنا نصيرة المرأة وبقول لكل ست ابعدي عن كل راجل متجوز، فأنا مش هكون أول ست تكسر قلب ست زيي، أنا مش مرتبطة وبربي بناتي وبشوف شغلي ومشاكل الستات واللي بنقدر نحله بنحله، ولما اتجوز هعلن للدنيا كلها".
وكان أحد الناشطين عبر مواقع التواصل الاجتماعي خرج بشائعة زواج رضوى الشربيني سراً بزوج الإعلامية منى الشاذلي.