زينة ترد على وصفها بصاحبة الوجه المعضم وهذا سبب انعزلها في جعفر العمدة

أكدت الفنانة المصرية زينة عن رضاها وشعورها بالثقة من مظهرها الخارجي خاصة أن ملامح وجهها النحيفة أصبحت موضة لدى بعض النساء ويسعى الكثير للحصول عليها وذلك رداً على وصفها بصاحبة الوجه المعضم.

زينة ترد على وصفها بصاحبة الوجه المعضم

وقالت زينة خلال لقاء لها مع الإعلامية إيمان الحصري: "بحاول أكون أنا، وعندما أسافر خارج مصر وأشوف بنات هناك، بأشعر أنني أجمل منهم، مبسوطة بشكلي ومبحبش أغيره، ممكن أغير لون شعري لكن أقصه دي خطوة مقدرش عليها وأخاف منها، أنا بحب الشعر القصير ونفسي أعمل شعري كاريه".

وأضافت: "زمان كانوا بيقولوا عليا وشي معضم، وشي المنحوت موضة دلوقتي وفيه بنات بتسافر بره عشان يعملوا إطلالتي".

زينة تتحدث عن دورها في جعفر العمدة

وكشفت زينة عن كواليس قبولها دور عايدة في مسلسل جعفر العمدة، مشيرة إلى أنه عند عرض المسلسل عليها طلب منها أن تختار ما يحلو لها وزيادة مساحة الجور لكنها رفضت.

وقالت: "هما عرضوا عليا وقالوا لي اختاري اللي أنت عاوزاه ولما قلت لهم خلينا في عمل تاني، قالوا لو في دور عاجبك ممكن نكبر مساحته، والفنان لازم يكون ذكي في اختياراته وأنه يعمل اللي يقدر يكسب به من المسلسل، ودايمًا الناس اللي مخها شغال عارفين هيسكبوا إيه من آية".

وعن سبب قبول شخصية عايدة، أكدت أنها كانت تحتاج لأداء دور يشبهها قائلة: "هل أنا عاوزة أعمل دور حد من الزملاء لأ أنا كنت محتاجة عايدة الطيبة دلوقتي لأني عملت الشر قبل كده ومش هعمل دلال أكيد لأنها شخصية شريرة وثريا لأن الدور ده كان مكتوب لمي كساب".

وأشادت زينة بتعاونها مع محمد رمضان قائلة: "حاجة كويسة أني أطلع مع نجم زي محمد رمضان نجاحه مضمون بدور البنت الحلوة اللذيذة الغريبة والمختلفة مفيش غيرها هي اللي مختلف".

وأضافت: "وممكن السنة الجاية أكون محتاجة حاجة تانية لأن الفنان لازم يكون ذكي حتى لو بتختاري من حاجة مش هترضي غرورك الفني ولا موهبتك فاتحركي في الحتة اللي أنت فيها"

زينة تكشف سبب انعزالها في كواليس جعفر العمدة

وردت زينة على حديث البعض حول انعزالها في كواليس مسلسل جعفر العمدة، أوضحت أنها كانت تحافظ على تركيزها في الشخصية.

وتابعت: "الروح بتاعت الشغل روح شغل فقط، وأنا كنت معزولة لأني بحب أركز أوي ومش بحب أضيع طاقتي في الكلام في حاجة غير الشغل وكنت بخرج من أوضتي أعمل المشهد وأرجع تاني، لأني لو سبت نفسي للرغي والهزار مش هطلع حاجة، فلازم تحافظي على مود الشخصية فأنا كنت منعزلة".

وأضافت: "خلصت يوم 13 مارس وهما كان عندهم يوم بعدي، ومكانش عندنا حاجة خالص في رمضان ودي من الحاجات النوادر اللي تحسب للمخرج أننا خلصنا بدري لأن التصوير في رمضان متعب"